அதேபோல் கோலின் டி கிராண்ட் ஹோமும், நீண்ட தலைமுடி கொண்டவராக, பரிட்சியமான வீரராக இருந்தார். ஐபிஎல் தொடரில் பங்கேற்ற பிறகு இந்திய ரசிகர்கள் மத்தியிலும் பிரபலமான வீரராகத் திகழ்ந்து வருகிறார்.
நியூசி. வாரியத்தின் அறிவிப்பு:
இந்தியா போன்ற மற்ற நாடுகளைப் போல், நியூசிலாந்து கிரிக்கெட் வாரியமும் தங்களில் நாட்டு வீரர்கள் குறித்து அவ்வப்போது அப்டேட்களை கொடுத்துக்கொண்டே இருக்கும். அதிக ரசிகர்களை ஈர்க்க வித்தியாசமான யுக்திகளையும் கடைப்பிடித்து வருகிறது. அப்படித்தான், கோலின் டி கிராண்ட் ஹோம் குறித்தும் சற்று வித்தியாசமான முறையில் ட்வீட் வெளியிட்டுள்ளது.
அதிர்ச்சி தகவல்:
கோலின் டி கிராண்ட் ஹோம் சமீபத்தில், தனது நீண்ட தலை முடியை நீக்கவிட்டு மொட்டையடித்துக் கொண்டார். இதனை வித்தியாசமான முறையில் பதிவிட்டு ரசிகர்களை ஈர்க்க நினைத்த, நியூசிலாந்து கிரிக்கெட் வாரியம், ‘பிரபலமான கோலின் டி கிராண்ட் ஹோமின் ‘முல்லட்’ மறைந்துவிட்டது எனப் பதிவிட்டு சோகமான இமோஜியை இணைத்தது. தமிழில் படிக்க இது சுலபமாகத்தான் இருக்கிறது. நியூசிலாந்து வாரியம் இதனை ஆங்கிலத்தில், ‘The Famous Colin de Grandhome mullet is no more’ எனத் தெரிவித்துள்ளது.
தவறான புரிதல்:
பலரும் அந்த முல்லட் (நீண்ட தலைமுடி) என்ற வார்த்தையைக் கவனிக்காமல், ‘என்ன கிராண்ட் ஹோம் மறைந்துவிட்டாரா?’ என தவறாகப் புரிந்துகொண்டு, இந்த சின்ன வயதில் கிராண்ட் ஹோம் மறைந்துவிட்டாரா? ஆழ்ந்த இரங்கல் என பதிவிடத் தொடங்கினர். சிலர் பதிவினை உற்றுக் கவனித்த பிறகு, நியூசிலாந்து கிரிக்கெட் வாரியத்திற்கு கண்டனங்களை தெரிவித்து கருத்துகளைப் பதிவிட்டு வருகின்றனர். இதனையெல்லாம் கவனித்த ஹாண்ட் ஹோம், ‘மொட்டையடித்தது ஒரு குத்தமாயா?’ என அதிர்ச்சியில் இருக்கிறாராம்.