நிறக்குருடால் ‘பிங்க்-பந்தை’ பார்ப்பதில் பிரச்சனையில்லை : வேட்!

மூன்றாவது டெஸ்டில் ‘பிங்க் கலர்’ பந்தில் விளையாடுவதால் எந்த பிரச்சனையும் இல்லை என ஆஸ்திரேலிய அணியின் விக்கெட் கீப்பர் மாத்யூ வேட் தெரிவித்துள்ளார்.

ஆஸ்திரேலியா சென்றுள்ள தென் ஆப்ரிக்க அணி, 3 டெஸ்ட் போட்டிகள் கொண்ட தொடரில் பங்கேற்கிறது. முதல் இரண்டு டெஸ்டின் முடிவில், தென் ஆப்ரிக்க அணி வென்றது. இந்நிலையில் இரு அணிகள் மோதும் மூன்றாவது டெஸ்ட் போட்டி வரும் 24-28 வரை அடிலெய்டில் பகலிரவு டெஸ்ட் போட்டியாக நடக்கவுள்ளது.

முதலிரண்டு போட்டியின் தோல்வி காரணமாக கடைசி டெஸ்ட் போட்டிக்கான ஆஸ்திரேலிய அணியை, ஹோல் சேலாக தேர்வுக்குழுவினர் தேர்வு செய்தனர். இதில், இடம் பெற்றுள்ள விக்கெட்கீப்பர் மாத்யூ வேட், நிறக்குருடு நோயால் பாதிக்கப்பட்டவர்.

பகலிரவு டெஸ்ட் போட்டு ‘பிங்க் கலர்’ பந்தை பயன்படுத்தி விளையாடுவதால், அதில் பங்கேற்பதில் எந்த பிரச்சனையும் இல்லை என, வேட் தெரிவித்துள்ளார்.

இதுகுறித்து வேட் கூறியது:
முதலில் இந்த பிரச்சனையில் இருந்து வெளிவர வேண்டும். என்னால் பிங்க் நிறத்தை பார்ப்பதில் எந்த பிரச்சனையு, இல்லை. பயிற்சியின் போதே அது எனக்கு பழகிவிட்டது. போட்டியின் போது விளையாடும் போது பழகிவிடும் என நினைக்கிறேன். போட்டியில் பங்கேற்க அதிக ஆர்வமாக உள்ளேன்.
இவ்வாறு வேட் கூறினார்.