பிராட்மேன் சாதனையை சமன் செய்த குக் !

மான்செஸ்டர்: பாகிஸ்தான் அணிக்கு எதிரான இரண்டாவது டெஸ்டில் சதம் அடித்த இங்கிலாந்து கேப்டன் குக், ஆஸ்திரேலிய ஜாம்பவான் பிராட்மேன் சாதனையை சமன் செய்தார்.

இங்கிலாந்து சென்றுள்ள பாகிஸ்தான் அணி, 4 டெஸ்ட் போட்டிகள் கொண்ட தொடரில் பங்கேற்கிறது. முதல் டெஸ்டில் பாகிஸ்தான் அணி, 75 ரன்கள் வித்தியாசத்தில் வெற்றி பெற்றது. இரண்டாவது டெஸ்ட் போட்டி மான்செஸ்டரில் நடக்கிறது.

இதில் ‘டாஸ்’ வென்ற இங்கிலாந்து கேப்டன் குக், ‘பேட்டிங்’ தேர்வு செய்தார். முதல்நாள் ஆட்டநேர முடிவில், இங்கிலாந்து அணி 4 விக்கெட்டுக்கு 314 ரன்கள் எடுத்தது. இதில் இங்கிலாந்து அணி கேப்டன் குக், டெஸ்ட் அரங்கில், தனது 29வது சதத்தை பதிவு செய்தார். இதன் மூலம் சர்வதேச டெஸ்ட் அரங்கில் அதிக சதம் அடித்த வீரர்கள் பட்டியலில் ஆஸ்திரேலிய ஜாம்பவான் பிராட்மேனின் சாதனையை (29 சதம்) சமன் செய்தார்.