அம்பயரா இவன்..... குருட்டுப்பய...: செம்ம கடுப்பான ரசிகர்கள்.... !

இங்கிலாந்தில் பாரம்பரிய ஆஷஸ் டெஸ்ட் கிரிக்கெட் தொடர் நடக்கிறது. இதன் முதல் டெஸ்ட் போட்டி பர்மிங்ஹாமில் நடக்கிறது. இதில் முதல் இன்னிங்சில் ஆஸ்திரேலிய அணி 284 ரன்கள், இங்கிலாந்து அணி 374 ரன்கள் எடுத்தன.

கடின இலக்கு:
தொடர்ந்து ஆஸ்திரேலிய அணி இரண்டாவது இன்னிங்சில் 7 விக்கெட்டுக்கு 487 ரன்கள் எடுத்து டிக்ளேர் செய்தது. இதன் மூலம் இங்கிலாந்து அணிக்கு, 398 ரன்கள் இலக்காக நிர்ணயித்தது. நான்காவது நாள் ஆட்டநேர முடிவில், இங்கிலாந்து அணி விக்கெட் இழப்பின்றி 13 ரன்கள் எடுத்தது.

தடுமாறும் பேட்ஸ்மேன்கள்:
இந்நிலையில் கடைசி நாள் ஆட்டத்தில் இரண்டாவது இன்னிங்சை தொடர்ந்த இங்கிலாந்து அணி, ஆஸ்திரேலிய வீரர் லியான் சுழலில் சிக்கி சின்னாபின்னமானது.

கடைசி நாள் ஆட்டத்தின் உணவு இடை வேளையின் போது, இங்கிலாந்து அணி இரண்டாவது இன்னிங்சில், 4 விக்கெட்டுக்கு 85 ரன்கள் எடுத்து தோல்வியை தவிர்க்க கடுமையாக போராடி வருகிறது.

குருட்டு அம்பயர்:
இந்நிலையில் இப்போட்டியின் துவக்கம் முதல் பல முடிவுகளை களத்தில் உள்ள அம்பயர்களான, வெஸ்ட் இண்டீசின் ஜியோல் வில்சன், அலீம் தார் ஆகியோர் தவறாக வழங்கினர்.


இதனால் கடுப்பான கிரிக்கெட் ரசிகர் ஒருவர், வெஸ்ட் இண்டீஸ் அம்பயர் ஜியோல் வில்சனின் விக்கிபீடியா பக்கத்தில் சர்வதேச குருட்டு அம்பயர் என மாற்றினார்.

மீண்டும் மாற்றம்:
தொடர்ந்து இரண்டாவது முறையாகவும் அவரின் விக்கிபீடியா பக்கம் மாற்றியமைக்கப்பட்டது. அதில் ஜியோல் வில்சன் சர்வதேச அம்பயர் இல்லை என குறிப்பிடப்பட்டிருந்தது. இந்த இரு அம்பயர்களின் மோசமான முடிவுகளை கிரிக்கெட் வர்ணனையாளர்கள் கூட நேரடி ஒளிபரப்பிலேயே விமர்சித்தனர்.