பாகிஸ்தான் லிட்டில் மாஸ்டர் காலமானார்

பாகிஸ்தானின் லிட்டில் மாஸ்டர் என்று புகழப்படும் ஹனிஃப் முகமது உடல்நலக்குறைவால் காலமானதாக அந்நாட்டு ஊடகங்கள் மூலம் தெரியவந்துள்ளது.

உலகின் தலை சிறந்த பேட்ஸ்மேன்களில் ஒருவராகத் திகழ்ந்த பாகிஸ்தானின் முன்னாள் கிரிக்கெட் வீரர் ஹனிஃப் முகமது உடல்நலக்குறைவு காரணமாக உயிரிழந்துள்ளார். அவருக்கு வயது 81.

Pakistan Media reports that cricket legend Hanif Muhammad has passed away after prolonged illness in Karachi.— ANI (@ANI_news) August 11, 2016
ஹனீஃப் 19341ம் ஆண்டு டிசம்பர் 21ஆம் தேதி பிறந்தார். அக்கால பிரிட்டிஷ் இந்தியாவின் பகுதியான ஜுனாகத்தில் பிறந்த அவர் 1952ஆம் ஆண்டு அக்டோபர் 16ஆம் தேதி இந்தியாவுக்கு எதிரான டெஸ்ட் போட்டியில் முதல் முதலாக பாகிஸ்தான் அணிக்காக விளையாடினார்.

வலதுகை விக்கெட் கீப்பர் பேட்ஸ்மேனான அவர் பாகிஸ்தான் அணிக்காக 55 டெஸ்ட் போட்டிகளில் விளையாடி 3,915 ரன்கள் எடுத்தார். அதிகபட்சமாக ஒரு இன்னிங்சில் 337 ரன்கள் குவித்துள்ளார்.

ஒரு நாள் கிரிக்கெட் போட்டிகள் பரவலாகாத அந்த காலத்தில் உள்நாட்டுக் கிரிக்கெட் போட்டிகளில் ரன்களைக் குவித்து சாதனைகள் புரிந்தார். 238 உள்நாட்டு டெஸ்ட் போட்டிகளில் ஆடிய அவர் 17,059 ரன்கள் எடுத்துள்ளார். ஒரே இன்னிங்சில் 499 ரன்கள் என்ற இமாலய ஸ்கோரையும் தனியொருவராக எடுத்த சாதனையைச் நிகழ்த்தியவரும் ஹனீஃப் முகமது தான்.

லிட்டில் மாஸ்டர் என்ற பெயருக்கு ஏற்றபடி, நமது சச்சின் டெண்டுல்கரைப் போல சதங்களையும் குவித்துள்ள அவர் முதல்தர கிரிக்கெட்டில் 55 சதங்கள் அடித்துள்ளார்.