வார்னர் விளாசல்
இன்றைய இரண்டாவது நாள் ஆட்டத்தில் முதல் இன்னிங்சை துவங்கிய ஆஸ்திரேலிய அணிக்கு டேவிட் வார்னர், ஜோ பர்ன்ஸ் ஆகியோர் துவக்கம் அளித்தனர். பாகிஸ்தான் பந்துவீச்சை தாறு மாறாக பந்தாடிய இருவரும் பவுண்டரிகளாக விளாசினர்.
‘தல’ தோனி சாதனையை சமன் செய்த ‘சூப்பர் மேன்’ சஹா... இந்திய வேகத்தில் பங்கமான வங்கதேசம்!
222 ரன்கள்
முதல் விக்கெட்டுக்கு வார்னர் பர்ன்ஸ் ஜோடி 222 ரன்கள் எடுத்த போது, ஜோ பர்ன்ஸ் 97 ரன்கள் எடுத்து சதம் அடிக்கும் வாய்ப்பை கோட்டைவிட்டு அவுட்டானார். எதிர்முனையில் கிட்டத்தட்ட 2 ஆண்டுக்கு பின் வார்னர் டெஸ்ட் அரங்கில் தனது முதல் சதத்தை பதிவு செய்து அசத்தினார். டெஸ்ட் அரங்கில் வார்னர் பதிவு செய்யும் 22வது சதம் இதுவாகும்.
மிரட்டிய ஸ்டோக்ஸ்.. அசத்திய பவுலர்கள்... நியூசி.யை நடுங்கவைக்கும் இங்கிலாந்து!
ராசியில்லா நசீம்
முன்னதாக வார்னர் 56 ரன்கள் எடுத்திருந்த போது, 16 வயது நசீம் ஷா வேகத்தில் வார்னர் அவுட்டானார். ஆனால் ரீப்ளேவில் அது நோ- பால் என்பதை மூன்றாவது அம்பயர் உறுதி செய்தார். இதையடுத்து மீண்டும் வந்த வார்னர் விட்டு விளாசி சதம் அடித்து மிரட்டினார்.
கிட்டத்தட்ட 2 ஆண்டுகள்
கடைசியாக கடந்த 2017ல் இங்கிலாந்துக்கு எதிராக நடந்த பாக்சிங் டே டெஸ்டில் வார்னர் சதம் அடித்திருந்தார். அதன் பிறகு சுமார் 18 இன்னிங்ஸ் சதத்துக்காக காத்திருந்த வார்னர், தனது டெஸ்ட் கிரிக்கெட் வாழ்வில் இரண்டாவது மோசமான சாதனையை அரங்கேற்றினார். கடந்த 2012 - 13ல் வார்னர் மோசமாக சதத்துக்காக சுமார் 23 இன்னிங்ஸ் காத்திருந்தார்.
16 சதம் உள்ளூரில்
வார்னர் டெஸ்ட் அரங்கில் அடித்த 22 சதங்களில் 16 சதங்களை உள்ளூரில் அடித்துள்ளார். அதேபோல நோ -பாலில் அவுட்டான போது வார்னர் அடிக்கும் நான்காவது சதம் இதுவாகும். முன்னதாக 6 ஆண்டுக்கு முன் வார்னர் இந்திய அணிக்கு எதிரான அடிலெய்டு டெஸ்டிலும், கடந்த 2016ல் பாகிஸ்தானுக்கு எதிரான டெஸ்டிலும், 2 ஆண்டுக்கு முன்பான இங்கிலாந்துக்கு எதிரான பாக்சிங் டே டெஸ்டிலும் இதே போல நோ - பாலில் அவுட்டானார்.
பலே கில்லாடி
வார்னருக்கு பாகிஸ்தான் அணி என்றாலே ஒரே குஷிதான் போல. பாகிஸ்தான் அணிக்கு எதிராக வார்னர் இதுவரை 10 இன்னிங்சில் விளையாடி சராசரி 76 வைத்துள்ளார். அதேபோல வார்னரின் ஸ்டிரைக் ரேட் 85 ஆக உள்ளது. கடைசியாக பாகிஸ்தான் அணிக்கு எதிரான 4 போட்டியில் வார்னர் 3 சதம் மற்றும் 1 அரைசதம் விளாசியுள்ளார்.
4 ஆண்டுக்கு பின்
தொடர்ந்து வந்த லபுஷேனும் அரைசதம் அடித்து மிரட்ட, இரண்டாவது நாள் ஆட்ட நேர முடிவில் ஆஸ்திரேலிய அணி, முதல் இன்னிங்சில் 1 விக்கெட்டுக்கு 312 ரன்கள் எடுத்து 72 ரன்கள் முன்னிலையில் உள்ளது.
இப்போட்டியில் முதல் விக்கெட்டுக்கு 222 ரன்கள் சேர்த்த ஆஸ்திரேலியாவின் வார்னர், பர்ன்ஸ் ஜோடி பாகிஸ்தானுக்கு எதிராக 4 ஆண்டுக்கு பின் முதல் விக்கெட்டுக்கு 200 ரன்களுக்கு மேல் சேர்த்த ஜோடி என்ற பெருமை பெற்றது. கடைசியாக பாகிஸ்தான் அணிக்கு எதிராக சுமார் 69 இன்னிங்ஸ்களுக்கு முன், வங்கதேசத்தின் தமீம் இக்பால், இம்ருல் கேயிஸ் ஆகியோர் முதல் விக்கெட்டுக்கு 312 ரன்கள் சேர்த்தனர்.