இலங்கையை பந்தாடி தொடர்ந்து நான்காவது வெற்றியை பெற்ற இந்தியா!

டர்பி : இலங்கைக்கு எதிரான உலகக் கோப்பை கிரிக்கெட் போட்டியில், இந்திய அணி 16 ரன்கள் வித்தியாசத்தில் வெற்றி பெற்றுள்ளது.

இங்கிலாந்தில் பெண்களுக்கான உலகக் கோப்பை கிரிக்கெட் போட்டித் தொடர் நடைப்பெற்று வருகின்றது. இதில் மொத்தம் 8 அணிகள் இடம் பெற்றுள்ளது. ஒவ்வொரு அணியும் மற்றொரு அணியுடன் ஒரு முறை லீக் போட்டியில் மோதும். இன்றைய போட்டி இந்தியா மற்றும் இலங்கைக்கு 4வது போட்டியாகும்.

பேட்டிங் அசத்தல் :
இந்திய அணியின் தீப்தி சர்மா 78, கேப்டன் மிதாலி ராஜ் 53 ரன்கள் கைகொடுக்க, இந்தியா 50 ஓவரில் 8 விக்கெட் இழப்பிற்கு 232 ரன்களை எடுத்தது.

பவுலிங் அசத்தல்:

தொடர்ந்து களமிறங்கிய இலங்கை அணிக்கு நிபுனி ஹன்சிகா 29, சமாரி அட்டபட்டு 25, சசிகலா ஸ்ரீவர்த்தனே 37, திலானி மனோடரா 61 ரன்கள் எடுத்து கைக்கொடுத்தனர். ஆனால் மற்ற வீரர்கள் சொதப்பியதால் இலங்கை 50 ஓவரில் 7 விக்கெட் இழப்பிற்கு 216 ரன்களை மட்டும் எடுத்து தோல்வியை சந்தித்தது.