Rahul Dravid: புஜாரா, டிராவிட்டுக்கு பேட்டிங்கிலும், சாதனையிலும் என்னா ஒரு ஒற்றுமை

இந்திய அணியில் டெஸ்ட் போட்டிக்கென்றே உள்ள ஒரு சிறப்பாக வீரர் என்றால் அது புஜாரா தான். புஜாராவும், டிராவிட்டும் டெஸ்டில் ரன் எடுப்பதில் ஒரே மாதிரியான சாதனயைப் படைத்துள்ளனர்.

ஆஸ்திரேலியா சுற்றுப் பயணம் மேற்கொண்டுள்ள இந்திய அணி 3 டி20, 4 டெஸ்ட் போட்டி, 3 ஒருநாள் போட்டிகளில் விளையாட உள்ளது. 3 டி20 போட்டி தொடர் இந்தியா, ஆஸ்திரேலியா 1-1 வென்றதால் என சமனில் முடிந்தது.

டெஸ்ட் தொடரின் முதல் போட்டி அடிலெய்டில் நடைப்பெற்று வருகிறது. இதில் இந்தியாவின் பேட்ஸ்மேன்கள் வரிசையாக விக்கெட்டை இழந்து சொதப்ப, புஜாரா மட்டும் நிலைத்து விளையாடி 123 ரன்களை குவித்து விக்கெட்டை இழந்தார்.

புஜாராவின் அபார சதத்தால் தடுமாற்றத்திலிருந்து மீண்ட இந்தியா

டிராவிட் உடனான ஒற்றுமை:
இந்தியாவின் முன்னாள் கிரிக்கெட் வீரர் ராகுல் டிராவிட் டெஸ்ட் தொடரில் 13288 ரன்களை குவித்தவர். புஜாராவும் சிறப்பாக விளையாடி இன்று 5000 ரன்களை கடந்துள்ளார்.

டிராவிட் மற்றும் புஜாரா 3000, 4000, 5000 ரன்களை ஒரே அளவு இன்னிங்ஸ் எட்டியுள்ளனர்.



இருவரும் 67 இன்னிங்ஸில் 3000 ரன்களும், 84 இன்னிங்ஸில் 4000 ரன்களை கடந்தவர்கள். இன்று புஜாரா 108 இன்னிங்ஸில் 5000 ரன்களை கடந்தார். இதே இன்னிங்ஸ் எண்ணிக்கையில் டிராவிட்டிம் 5000 ரன்களை கடந்திருந்தார் என்பது இருவருக்கும் இடையேயான பெரிய ஒற்றுமையாக பார்க்கப்படுகிறது.