ஐசிசி விருது... நக்கல் செய்த பென் ஸ்டோக்ஸ்!

கடந்த 10 வருட சர்வதேச கிரிக்கெட்டில் சிறந்து விளங்கிய வீரர்களைக் கொண்டு உருவாக்கப்பட்ட ஐசிசி ஒருநாள், டெஸ்ட் அணிகளில் இங்கிலாந்து ஆல்-ரவுண்டர் பென் ஸ்டோக்ஸ் இடம்பெற்றார். இதற்காக, ஸ்டோக்ஸ் உட்பட அனைத்து வீரர்களுக்கும் தொப்பி வழங்கி கௌரவிக்கப்பட்டது. அந்த தொப்பியை அணிந்து இன்ஸ்டாகிராமில் புகைப்படம் ஒன்றைப் பகிர்ந்த ஸ்டோக்ஸ், இந்த தொப்பி ஆஸ்திரேலிய டெஸ்ட் அணி தொப்பி போன்று பச்சை நிறத்தில் உள்ளது எனப் பதிவிட்டார்.

இதற்கு, ஐசிசி உடனே பதிலளித்தது. “ஐசிசி ஒருநாள், டெஸ்ட் அணியில் இடம் கிடைத்தது பெருமையான விஷயம். ஆனால், ஐசிசி டெஸ்ட் அணியின் தொப்பி ஆஸ்திரேலிய அணியை பிரதிபலிக்கிறது” என ஸ்டோக்ஸ் பதிவிட்டார். இதற்கு, உடனே ஐசிசி ‘மன்னிக்கவும்’ எனப் பதிலளித்துச் சிரிக்கும் இமோஜியை இணைத்தது.

முரட்டுக்காளை ஸ்மித்தை அஸ்வின் அடக்கிவிட்டார்: சச்சின் பாராட்டு!
பென் ஸ்டோக்ஸ் 67 டெஸ்ட்களில் 37.84 சராசரியுடன் 4,428 ரன்களும், 158 விக்கெட்களையும் வீழ்த்தியுள்ளார். அதேபோல், 95 ஒருநாள் போட்டிகளில் 2,682 ஓட்டங்கள், 70 விக்கெட்களை சாய்த்துள்ளார்.

ஐசிசி கனவு டெஸ்ட் அணி:

அலிஸ்டர் குக், டேவிட் வார்னர், கேன் வில்லியம்சன், விராட் கோலி (கேப்டன்), ஸ்டீவன் ஸ்மித், குமார் சங்கக்கார, பென் ஸ்டோக்ஸ், ரவிச்சந்திரன் அஸ்வின், டேல் ஸ்டைன், ஸ்டூவர்ட் பிராட், ஜேம்ஸ் ஆண்டர்சன்.

தியேட்டர்களில் 100% இருக்கைக்கு அனுமதி இல்லை: விஜய் கோரிக்கை நிராகரிப்பு?
ஐசிசி கனவு ஒருநாள் அணி:

ரோஹித் ஷர்மா, டேவிட் வார்னர், விராட் கோலி, ஏபி டிவிலியர்ஸ், ஷகிப் அல் ஹசன், மகேந்திரசிங் தோனி (கேப்டன்), பென் ஸ்டோக்ஸ், மிட்செல் ஸ்டார்க், டிரன்ட் போல்ட், இம்ரான் தஹிர், லஷித் மலிங்கா.