உலகக் கோப்பை கனவை நினைவாக்குமா இந்தியா? : இங்கிலாந்து பேட்டிங் தேர்வு

லண்டன் : பெண்கள் உலகக் கோப்பை கிரிக்கெட் இறுதிப் போட்டியில் இந்தியாவுக்கு எதிரான போட்டியில் இங்கிலாந்து டாஸ் வென்று முதலில் பேட்டிங் செய்ய தீர்மானித்துள்ளது.

இங்கிலாந்தில் பெண்கள் உலகக் கோப்பை கிரிக்கெட் தொடர் நடைப்பெற்று வருகின்றது. இதில் முதல் அரையிறுதிப் போட்டியில் தென் ஆப்ரிக்காவை வீழ்த்தி இங்கிலாந்து அணியும், 2வது அரையிறுதிப் போட்டியில் ஆஸ்திரேலியாவை வீழ்த்தி இந்திய அணியும் இறுதிப் போட்டியில் நுழைந்தது.

ஆண்கள் கிரிக்கெட்டைப் போல பெரும் எதிர்ப்பார்ப்பை ஏற்படுத்தியுள்ளது இன்று நடக்கும் பெண்கள் உலகக் கோப்பை இறுதிப்போட்டி.

இந்த தொடர் முழுவதும் சிறப்பான ஆட்டத்தை வெளிப்படுத்திய இந்திய அணிக்கு ஸ்மிரிதி மந்தனா, ராவட், கேப்டன் மிதாலி ராஜ், ஹர்மன்பிரீத் கவுர் உள்ளிட்ட சிறப்பாக விளையாடக்கூடிய பேட்ஸ்மேன்கள் இந்திய அணிக்கு பலம் சேர்க்கின்றனர்.

அதே போல் ஜுலான் கோஸ்வாமி, சிகா பாண்டே, ரஜேஸ்வரி காயக்வட், பூனம் யாதவ் ஆகியோரின் பவுலிங் இந்திய அணிக்கு மிக உதவியாக உள்ளது.

இறுதிப்போட்டியில் இந்தியா வெற்றி பெற்று பெண்கள் உலகக் கோப்பை கனவை நினைவாக்கும் என நம்பலாம்.