MS Dhoni: 80 வயசானாலும் தோனிக்கு அணியில் இடமுண்டு - 360° டிவில்லியர்ஸ் பெருமிதம்

தோனிக்கு 80 வயசானாலும் அவர் கிரிக்கெட் விளையாட வேண்டும் என முன்னாள் தென் ஆப்ரிக்கா அதிரடி வீரர் டிவில்லியர்ஸ் தெரிவித்துள்ளார்.

உலகின் கிரிக்கெட் விளையாடும் அனைத்து நாடுகளின் ரசிகர்களால் விரும்பப்படக்கூடிய பேட்ஸ்மேனாக இருந்தவர் டிவில்லியர்ஸ். தன் - 360° பேட்டிங்கால் அனைவரையும் தன் வசப்படுத்தியவர். அண்மையில் இவர் கிரிக்கெட்டிலிருந்து ஓய்வு பெற்றது கிரிக்கெட்டுக்கு மிகப்பெரிய இழப்பாக பார்க்கப்படுகின்றது.

அண்மைகாலமாக தோனி தன் பேட்டிங்கில் சொதப்பி வருகின்றார். தன் கேப்டன் பொறுப்பை கோலியிடம் கொடுத்ததிலிருந்து, தன் பேட்டிங் அதிரடி குறைந்து வருகின்றது. இதனால் அவரை அணியிலிருந்து நீக்கும் முயற்சி மெல்ல மெல்ல நடந்து வருகின்றது.

தோனி குறித்து பேசிய டிவில்லியர்ஸ் :
ஐசிசி நடத்தும் 3 வகை உலக கோப்பை கிரிக்கெட் தொடர்களிலும் கோப்பையை வென்று இந்தியாவை பெரும்ப் படுத்தியவர். அவரின் போட்டியை முடித்து வைக்கும் அதிரடி, அவரின் சரியான முடிவுகளால் இந்தியாவுக்கு கிடைத்த வெற்றி என அவரின் சாதனையை யாராலும் மறைத்து விட முடியாது.

80 வயதிலும் அணியில் இடம்:
அவரை ஓய்வு பெறச்சொல்லி சிலர் கூறி வருகின்றனர். ஆனால் என்னைப் பொருத்த வரையில், என் அணியில், தோனிக்கு 80 வயதானாலும் இடம் உண்டு. அவர் அந்த வயதில் சக்கர நாற்காலியில் அமர்ந்து இருந்தாலும் அவருக்கு இடம் உண்டு.

என் மெஸ்ஸி கோலி :கால்பந்தில் மிக சிறந்த சாதனைகளைப் படைத்தவர் கிறிஸ்டியானோ ரொனால்டோ. ஐபிஎல் போட்டியில் பெங்களூரு அணியில் நான் விளையாடி வருகின்றேன். நான் கிறிஸ்டியானோ ரொனால்டோவாக இருந்தால், பெங்களூரு அணி கேப்டன் விராட் கோலி மெஸ்ஸியைப் போல சிறப்பாக செயல்படுகிறார். என கோலியையும் புகழ்ந்துள்ளார்.