வான் பாராட்டு
ஆஸ்திரேலியா சென்ற பாகிஸ்தான் அணி டி-20 மற்றும் டெஸ்ட் என இரண்டு தொடர்களையும் இழந்தது. ஆஸ்திரேலிய வேகப்பந்துவீச்சாளர்களுக்கு பதில் தேடாமல் பாகிஸ்தான் அணி பேட்ஸ்மேன்கள் சென்றதே இந்த தோல்விக்கு காரணமாக தெரிவிக்கப்படுகிறது.
ஒரே ஆயுதம்
இதற்கிடையில் ஆஸ்திரேலிய அணியை அதன் சொந்தமண்ணில் வீழ்த்தும் தகுதி விராட் கோலி தலைமையிலான இந்திய அணிக்கு மட்டுமே உள்ளது என வான் பாராட்டியுள்ளார். இதுகுறித்து வான் வெளியிட்டுள்ள ட்விட்டர் பதிவில், “இந்த ஆஸ்திரேலிய அணியை அவர்கள் இடத்தில் வீழ்த்துவது கடினம். தற்போதுள்ள நிலையில் அதை செய்யும் சரியான ஆயுதம் இந்திய அணியிடம் தான் உள்ளது.” என அதில் குறிப்பிட்டுள்ளார்.
Twitter-This Australian Team in these conditions are going...
ஆறாவது வெற்றி
இந்த வெற்றியின் மூலம் ஆஸ்திரேலிய அணி இதுவரை பங்கேற்ற 6 பகலிரவு டெஸ்டிலும் தோல்வியை சந்திக்காமல் வெற்றி நடையை தொடர்கிறது. இந்த வெற்றி குறித்து ஆஸ்திரேலிய கேப்டன் டிம் பெயின் கூறுகையில்,“கடந்த இரண்டு போட்டிகளாக ஆஸ்திரேலிய அணி சிறப்பான ஆட்டத்தை வெளிப்படுத்தியுள்ளது. இங்கிலாந்தில் இருந்து திரும்பிய போதே புத்துணர்வு பெற்றதாக் உணர்ந்தோம்.
வார்னர் பிரமாதம்
டேவிட் வார்னர் மற்றும் லபுஷேன் போன்ற டாப் ஆர்டர் பேட்ஸ்மேன்கள் சிறப்பான ஆட்டத்தை வெளிப்படுத்தும் போது, பின்வரிசை வீரர்களுக்கு அதிக நெருக்கடி இருக்காது. இந்த வெற்றி மகிழ்ச்சியை ஏற்படுத்தியுள்ளது. பாகிஸ்தான் அணிக்கு எதிரான டெஸ்ட் தொடரை ஆஸ்திரேலிய அணி 2-0 என முழுமையாக கைப்பற்றி மிரட்டியது.