கிரிக்கெட்டில் ஆச்சர்யம் : ஒரே நாளில் இரண்டு போட்டிகளில் அடுத்தடுத்து விளையாடிய அணிகள்

உலகளவில் கால்பந்து போட்டிகளை தொடர்ந்து கிரிக்கெட் போட்டிகளும் அதிகளவில் பிரபலமடைந்து வருகின்றன. அந்த வகையில் நாம் கால்பந்தில் வியந்து பார்த்த ஜெர்மனி, இத்தாலி அணிகள் கிரிக்கெட் தொடரில் விளையாடி உள்ளனர்.

நெதர்லாந்தில் ஸ்போர்ட்ஸ்பார்க் மார்க்சல்கர்வெவர்ட், உட்ரெக்ட் மைதானத்தில் ஜெர்மனி - இத்தாலி அணிகளுக்கிடையேயான 2 போட்டிகள் கொண்ட டி20 தொடர் நடைப்பெற்றது.

வரலாற்றில் அதிசயம்:
கிரிக்கெட் வரலாற்றில் அதிசயமாக ஜெர்மனி -இத்தாலி அணிகள் ஒரே நாளில் இரண்டு போட்டிகளில் ஒன்றை ஒன்று எதிர்த்து விளையாடினார்.

இரண்டு போட்டியிலும் இத்தாலி வெற்றி:
முதல் போட்டி:
முதல் போட்டியில் டாஸ் வென்ற ஜெர்மனி முதலில் பேட்டிங் செய்து 16 ஓவரிலேயே 53 ரன்களுக்கு ஆல் அவுட்டானது. அகமது ஹமித் வர்டக் மட்டும் 20 ரன் எடுத்து இரட்டை இலக்க ரன் எடுத்தார். மற்ற வீரர்கள் ஒற்றை இலக்கத்தில் விக்கெட்டை இழந்தனர்.

தொடர்ந்து விளையாடிய இத்தாலி அணி 8.4 ஓவரிலேயே 7 விக்கெட் வித்தியாசத்தில் வெற்றி பெற்றது.



2வது போட்டி:
2வது போட்டியில் டாஸ் வென்ற இத்தாலி முதலில் பவுலிங் செய்தது. பேட்டிங் செய்த ஜெர்மனி 20 ஓவரில் 6 விக்கெட் இழந்து 130 ரன்களை எடுத்தது.

தொடர்ந்து ஆடிய இத்தாலி அணி 15.3 ஓவரிலேயே 4 விக்கெட் மட்டும் இழந்து 135 ரன்கள் எடுத்து 6 விக்கெட் வித்தியாசத்தில் அபார வெற்றி பெற்றது.



ஐசிசி அதிசயம் :
அண்மையில் ஐசிசி 80 அணிகள் கொண்ட டி20 தரவரிசை பட்டியலை வெளியிட்டது. அதில் ஜெர்மனி 35வது இடத்தில் உள்ளது. இந்த பட்டியலில் இடம்பெறாத இத்தாலி ஜெர்மனியை வீழ்த்தி அசத்தி உள்ளது.