தோனி உதவியால் 90-ஐ கடந்தேன்: பாண்டியா

இலங்கை எதிரான 3வது டெஸ்ட் போட்டியில் முதல் முறையாக சதமடித்த இந்திய வீரர் ஹர்திக் பாண்டியா தோனயின் உதவியால் 90களைக் கடக்க முடிந்ததாகத் தெரிவித்துள்ளார்.

இலங்கையில் சுற்றுப்பயணம் மேற்கொண்டுள்ள இந்திய கிரிக்கெட் அணி மூன்று டெஸ்ட் போட்டிகள் கொண்ட் தொடரில் விளையாடி வருகிறது. முதல் இரு போட்டிகளிலும் எளிதாக வென்ற இந்திய அணி தொடை வென்று அசத்தியது. பின்னர் பெல்லகலேயில் நடந்த மூன்றாவது மற்றும் கடைசி போட்டியிலும் வெற்றி பெற்று 3-0 என தொடரை வென்றுள்ளது.

மூன்றாவது டெஸ்டில் இந்திய அணியின் பேட்டிங்கில் இந்திய ஆல் ரவுண்டர் ஹர்திக் பாண்டியா அதிரடியாக விளையாடி முதல் முறையாக சர்வதேச போட்டிகளில் சதமடித்து அசத்தினார்.

இப்போட்டியில் தனது ஆட்டம் பற்றி ஊடங்களுக்குப் பேட்டியளித்துள்ள அவர், 90களை எட்டியதும் எனக்குள் பட்டாம்பூச்சிகள் பறந்தன. நான் இதற்கு முன் 90 ரன்களைக் கடந்ததில்லை. சதமடித்ததும் இல்லை. ஆனால், தோனி செய்வது போல அணியின் ஸ்கோரை மட்டும் பார்த்து விளையாடினேன். அதனால் தான் சதமடிக்க முடிந்தது” என்று அவர் கூறியுள்ளார்.