ஒருநாளில் உச்சத்தை எட்டிய ‘ஸ்டைல்’ பாண்டியா!

சென்னை: ஆஸ்திரேலியா அணிக்கு எதிரான முதல் ஒருநாள் போட்டியில் 83 ரன்கள் விளாசிய இந்திய வீரர் ஹர்திக் பாண்டியா ஒருநாள் அரங்கில் தனது சிறந்த ஸ்கோரை பதிவு செய்தார்.

இந்தியா வந்துள்ள ஆஸ்திரேலியா அணி 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது.முதல் ஒருநாள் போட்டி, இன்று சென்னையில் துவங்கியது. இதில் ‘டாஸ்’ வென்ற இந்திய கேப்டன் விராட் கோலி முதலில் ‘பேட்டிங்’ தேர்வு செய்தார்.

இதையடுத்து களமிறங்கிய இந்திய அணி, 50 ஓவரில் 7 விக்கெட்டுக்கு 281 ரன்கள் எடுத்தது. இதில் இந்திய வீரர் பாண்டியா 66 பந்தில் 5 சிக்சர், 5 பவுண்டரி உட்பட 83 ரன்கள் எடுத்தார். இதன் மூலம், ஒருநாள் அரங்கில், தனது சிறந்த ஸ்கோரை பதிவு செய்தார்.


முன்னதாக பாகிஸ்தான் அணிக்கு எதிரான போட்டியில் பாண்டியா அதிக பட்சமாக 76 ரன்கள் எடுத்திருந்தார்.