இந்தியா டி20 தொடரை வெல்வது வருண பகவானால் தான் முடியும்!

செஞ்சுரியன் : தென் ஆப்ரிக்காவுக்கு எதிரான டி20 போட்டி தொடரை இந்தியா கைப்பற்ற வேண்டுமானால் அது வருண பகவான் கையில் தான் உள்ளது.

தென் ஆப்ரிக்கா சுற்றுப்பயணம் மேற்கொண்டுள்ள இந்திய அணி 3 டெஸ்ட், 6 ஒருநாள், 3 டி20 போட்டிகளில் விளையாடி வருகின்றது. டெஸ்ட் தொடரை 2-1 என இழந்தாலும், ஒருநாள் போட்டியில் 5-1 என வென்று வரலாற்று சாதனைப் படைத்தது. இதைத் தொடர்ந்து நடைப் பெற்ற முதல் டி20 போட்டியில் இந்தியா அபார வெற்றி பெற்றது.

இந்நிலையில் இன்று 2வது டி20 கிரிக்கெட் போட்டி செஞ்சுரியன் மைதானத்தில் நடைப்பெற உள்ளது.

இடியுடன் மழை:
முன்னதாக 4 ஒருநாள் போட்டியின் போது அதிகமாக இடி, மின்னல் அடித்ததால் போட்டி பாதிக்கப்பட்டது. அந்த போட்டியில் இந்தியா தோல்வியை சந்தித்தது.

இந்நிலையில் இன்று நடைப்பெறும் டி20 போட்டி மழையால் 90% பாதிக்க வாய்ப்பு இருப்பதாக வானிலை மையம் தெரிவித்துள்ளது. அப்படி இருக்க, அந்த மைதானத்தில் நடந்து வரும் இந்தியா - தென் ஆப்ரிக்கா பெண்கள் டி20 போட்டியின் போது மழை காரணமாக சிறிது நேரம் நிறுத்தி வைக்கப்பட்டது.

தற்போது மைதானத்தை சுற்றி கருமையான மேகங்கள் சூழ்ந்துள்ளதால் மழைக்கு அதிக வாய்ப்பு இருப்பதாக தெரிகின்றது.