ஒரு புகாரால் பல கோடிகளை இழந்த முகமது சமி

இந்திய கிரிக்கெட் வீரர் முகமது சமிக்கு எதிராக அவரது மனைவி கொடுத்த புகாரால் பல கோடிகளை இழக்கும் நிலையில் உள்ளார்.

கடந்த சில நாட்களுக்கு முன்னர் சமி மீது அவரது மனைவி போலீஸில் புகார் அளித்தார். அதில் சமி, அவரது சகோதரர், உறவினர்கள் என அனைவரௌம் தன்னை கொடுமைப்படுத்துவதாகவும், கொலை முயற்சி செயததாகவும் புகார் தெரிவித்திருந்தார். அதோடு சமிக்கு பல பெண்களுடன் தொடர்பு இருப்பதாக் கூறியிருந்தார்.

இப்படி சமி மனைவியின் புகாரால் பிரச்னையில் இருந்து வருவதால் அடுத்த மாதம் 7ம் தேதி தொடங்க உள்ள ஐபிஎல் போட்டியில் டெல்லி அணிக்கு எதிராக விளையாடுவாரா என்பது சந்தேகமே.
அதனால் டெல்லி அணி சமியை விளையாட விடலாமா?, வேண்டாமா? என மறுபரிசீலனை செய்து வருகின்றது.

பல கோடி இழப்பு :
இந்த பிரச்னைகளால் பிசிசிஐ அண்மையில் வெளியிட்ட சம்பள பட்டியலில் சமியின் பெயர் இடம்பெறவில்லை. அப்படியே இடம்பெற்றிருந்தாலும் ஏ+ அல்லது பி கிரேடில் இடம்பிடித்திருப்பார். அப்படி கிரேடு ’ஏ+’ பிரிவில் இடம்பெற்றிருந்தால் அவருக்கு ஆண்டுக்கு 5 கோடி கிடைத்திருக்கும். அல்லது ‘பி’ பிரிவில் இடம்பெற்றிருந்தால் அவருக்கு ஆண்டுக்கு 3 கோடி கிடைத்திருக்கும். அதே போல் இந்த பிர்ச்னை காரணமாக ஐபிஎல் டெல்லி அணியில் விளையாட முடியவில்லை எனில் அவரை ஏலத்தில் எடுத்த 3 கோடி ரூபாய் கிடைக்காது.

இதனால் அவருக்கு கிட்டத்தட்ட 6-8 கோடி வரை இழப்பு ஏற்பட்டுள்ளதாக தெரிகிறது.