எங்ககிட்ட இந்திய அணி தாக்குபிடிப்பது கஷ்டம் : காமெடி செய்யும் எதிரணி

இந்திய அணி கிரிக்கெட்டில் சிறப்பாக செயல்பட்டு வருகின்றது இருப்பினும் அவர்களை நாங்கள் வெல்வதோடு, கோப்பையையும் வெல்வதே எங்கள் இலக்கு என பாகிஸ்தான் முன்னாள் கிரிக்கெட் வீரர் இன்ஜமம் உல் ஹக் தெரிவித்துள்ளார்.

இன்ஜமம் உல் ஹக் கூறியிருப்பதாவது:
சாம்பியன்ஸ் டிராபி கிரிக்கெட்டில் பாகிஸ்தான் பங்கேற்க மட்டும் இங்கிலாந்துக்கு வரவில்லை. அங்கு எங்களுடன் மோதப்போகும் இந்தியாவை வீழ்த்துவது தான் எங்கள் லட்சியம். அதோடு, இந்த முறை சாம்பியன்ஸ் டிராபி கோப்பையை கைப்பற்றுவது தான் எங்கள் இலக்கு.



வெஸ்ட் இண்டீஸ் அணிக்கு எதிரான டெஸ்ட் தொடரை கரீபியன் மண்ணில் வெற்றி பெற்றுள்ளது எங்களுக்கு பலமளிக்கின்றது.

ஐபிஎல் போட்டியில் இந்தியாவின் முன்னனி நட்சத்திரங்களான ரோகித் சர்மா, உமேஷ் யாதவ், தோனி, ரஹானே போன்ற வீரர்கள் சரியான பார்மில் இல்லாமல் நடுக்கத்தில் உள்ளனர். என பாகிஸ்தான் அணி மீது மிகுந்த நம்பிக்கையுடன் கருத்து தெரிவித்துள்ளார்.

என்ன தான் பாகிஸ்தான் அணி குறித்து நல்ல கருத்துக்களை கூறினாலும், முக்கிய தொடர்களில் இந்திய அணியிடம் மண்ணை கவ்வுவதே பாகிஸ்தான் அணியின் வாடிக்கை என்பதை மறந்து பேசிவருகிறார் இன்ஜமம் உல் ஹக்.