‘ஹாட்ரிக்கால்’ 88 இடம் எகிறிய தீபக் சகார்...!

சர்வதேச டி-20 அரங்கில் சிறந்து விளங்கும் வீரர்களுக்கான தரவரிசைப்பட்டியலை ஐசிசி இன்று வெளியிட்டது. இதில் சமீபத்தில் நடந்த வங்கதேச அணிக்கு எதிரான டி-20 தொடரின் கடைசி போட்டியில், இந்திய வீரர் தீபக் சகார் ஹாட்ரிக் விக்கெட் கைபப்ற்றினார்.

88 இடங்கள்...
இதன் மூலம் சர்வதேச டி-20 தரவரிசையில் 88 இடங்கள் முன்னேறி 42வது இடத்துக்கு முன்னேறினார். இதில் டாப் பவுலர்கள் அனைவரும், சுழற்பந்துவீச்சாளர்களாக உள்ளனர். ஆப்கானிஸ்தானின் ரசித் கான், நியூசிலாந்தின் மிட்சல் சாண்ட்னர், பாகிஸ்தானின் இமாத் வாசிம் ஆகியோர் டாப்-3 இடங்களில் உள்ளனர்.

ஹாட்ரிக்கில் சுளுக்கெடுத்த சகார். .. நடு நடுங்க வச்ச நையிம்...: ஒருவழியா சுதாரித்து வென்ற இந்திய அணி!

பாபர் அசாம் நம்பர்-1
இதேபோல பேட்ஸ்மேன்களுக்கான வீரர்கள் பட்டியலில், பாகிஸ்தானின் பாபர் அசாம், ஆஸ்திரேலியாவின் ஆரோன் பின்ச், இங்கிலாந்தின் டேவிட் மலான் ஆகியோர் டாப்-3 இடத்தில் உள்ளனர். இந்தியாவின் ரோஹித் ஷர்மா 7வது இடத்திலும், கே.எல்.ராகுல், 8வது இடத்துக்கு முன்னேறினார்.

நபி அபாரம்
இதேபோல சிறந்த ஆல் ரவுண்டர்களுக்கான பட்டியலில் ஆப்கானிஸ்தானின் முகமது நபி, முதலிடத்தில் நீடிக்கிறார். ஆஸ்திரேலியாவின் கிளன் மேக்ஸ்வெல், இரண்டாவது இடத்திலும், ஸ்காட்லாந்தின் ரிச்சர்டு பெரிங்டன் மூன்றாவது இடத்தில் உள்ளனர்.

துரத்தும் ஓய்வு சர்ச்சை... நண்பர்களுடன் ஜாலியாக ஊர் சுற்றும் ‘தல’ தோனி!

இந்தியா 5வது இடம்....
இதேபோல சிறந்த அணிகளுக்கான பட்டியலில் பாகிஸ்தான் நம்பர்- 1 இடத்திலும், ஆஸ்திரேலியா, இங்கிலாந்து அணிகள் அடுத்த இரண்டு இடத்திலும் நீடிக்கிறது.இந்திய அணி, ஐந்தாவது இடத்தில் உள்ளது.