மினி உலகக் கோப்பை கிரிக்கெட் இப்படி மாறப்போவதாக ஐசிசி அறிவிப்பு

கொல்கத்தா : மினி உலகக் கோப்பை என்றழைக்கப்படும் சாம்பியன்ஸ் டிராபி கிரிக்கெட் மிகப்பெரிய டி20 கிரிக்கெட் தொடராக மாற வைப்புள்ளதாக தெரிவிக்கப்பட்டுள்ளது.

சர்வதேச கிரிக்கெட் கவுன்சிலின் (ஐசிசி) முக்கிய கூட்டத்தொடர் இன்று கொல்கத்தாவில் நடைப்பெற்றது. இந்த கூட்டத்தில் ஐசிசி குழுவில் உறுப்பினர்களாக உள்ள 104 நாடுகளை சேர்ந்த உறுப்பினர்கள் கலந்துகொண்டரனர். இதில் பல்வேறு முக்கிய ஆலோசனைகள், முடிவுகள் எடுக்கப்பட்டுள்ளன.
மினி உலகக் கோப்பை:
அடுத்தாண்டு உலகக் கோப்பை கிரிக்கெட் தொடர் இங்கிலாந்தில் நடைப்பெற உள்ளன. அதே போல் மினி உலகக் கோப்பை என அழைக்கப்படும் சாம்பியன்ஸ் கிரிக்கெட் தொடர் 2021ல் இந்தியாவில் நடைப்பெற உள்ளன.

இதுவரை நடந்த சாம்பியன்ஸ் டிராபி போட்டிகள், உலகக் கோப்பை போல 8 முன்னனி அணிகள் 50 ஓவர்கள் கொண்ட போட்டிகளில் விளையாடி வந்தன.

மேலும் படிக்க : இனி ஒரே டி20 திருவிழா தான் - 104 நாடுகளுக்கு டி20 போட்டி விளையாட ஐசிசி ஒப்புதல்!

இந்நிலையில் 2021ல் இந்தியாவில் நடக்க உள்ள மினி உலகக் கோப்பை போட்டியில் 8 அணிகளுக்கு பதிலாக 16 அணிகளும், 50 ஓவருக்கு பதிலாக டி20 போட்டிகளாக நடத்த திட்டமிடப்பட்டுள்ளது.

இந்தியாவில் டி20 போட்டிகளை காண கிரிக்கெட் மிகவும் ரசிப்பதாகவும், மற்ற போட்டிகளை விட டி20 போட்டிகள் நோக்கி ரசிகர்கள் திரும்புவதால் மினி உலகக் கோப்பையை டி20 போட்டியாக மாற்ற திட்டமிடப்பட்டுள்ளதாக தெரிவிக்கப்பட்டுள்ளது. அதே போல் டி20 உலகக் கோப்பையை 2022க்கு மாற்ற திட்டமிடப்பட்டுள்ளதாகவும் தெரிவிக்கப்பட்டுள்ளது.