ஐசிசி.,யின் சிறந்த கிரிக்கெட் வீரராக தமிழகத்தின் அஸ்வின் தேர்வு

ஐசிசி சார்பில் அறிவிக்கப்பட்டுள்ள இந்த ஆண்டுக்கான மிகச்சிறந்த வீரராக தமிழகத்தை சேர்ந்த ரவிச்சந்திரன் அஸ்வின் தேர்வு செய்யப்பட்டுள்ளார்.

ஐசிசி சார்பில் இந்த ஆண்டிற்கான மிகச்சிறந்த கிரிக்கெட் வீரராகவும், சர் கர்பீல்ட் சோபர்ஸ் டிரோபிக்கு அஸ்வின் தேர்ந்தெடுக்கப்பட்டுள்ளார். சோபர்ஸ் டிரோபி விருதை பெறும் மூன்றாவது இந்திய வீரர் அஸ்வின் ஆவார். இதற்கு முன்பு ராகுல் டிராவிட் (2004), மற்றும் சச்சின் (2010) ஆண்டு வென்றுள்ளனர்.

அஸ்வின் இந்த ஆண்டில் 8 டெஸ்ட் போட்டிகளில் விளையாடி 48 விக்கெட்டுகளை சாய்த்துள்ளார். சராசரி 15.39 பெற்றுள்ளார். அதோடு 336 ரன்களை குவித்து சராசரி 42 வைத்துள்ளார்.
இந்த ஆண்டு தென் ஆப்ரிக்க அணிக்கு எதிராக 3-0 என்று இந்தியா டெஸ்ட் அரங்கில் நம்பர் 1 இடத்தை பெற்றது. அதே போல மே.இ அணிக்கு எதிராக 2-0 என்ற கணக்கில் மிகச்சிறப்பாக வெற்றி பெற்றது.

அதே போல இந்த ஆண்டில் 3 ஒரு நாள் மற்றும் சில டி20 போட்டியில் பங்கேற்றிருந்தாலும் 27 விக்கெட்டுகளை கைப்பற்றி சாதனைப்படைத்துள்ளார்.