BCCI: உலகக் கோப்பை வாய்ப்பு வேண்டுமா, 160 கோடி கட்டுகிறீர்களா? : பிசிசிஐ-யை மிரட்டிய ஐசிசி

இந்தியாவில் 2016ல் நடந்த 20 ஓவர் உலகக் கோப்பை கிரிக்கெட் தொடருக்கு வரி சலுகை வழங்கியதற்கு ரூ. 160 கோடி சர்வதேச கிரிக்கெட் கவுன்சிலுக்கு (ஐசிசி) இந்திய கிரிக்கெட் வாரியம் (பிசிசிஐ) வழங்க வேண்டும் என மிரட்டல் தொனியில் தெரிவித்துள்ளது.

இந்தியாவில் கடந்த 2016ல் டி20 உலகக் கோப்பை தொடர் நடந்தது. அப்போது இந்திய கிரிக்கெட் வாரியத்துக்கு வரி சலுகை தரவேண்டும் என ஐசிசி-யிடம் கேட்டு கொண்டிருந்தது.

இந்நிலையில் கடந்த அக்டோபர் மாதம் சிங்கப்பூரில் நடந்த ஐசிசி கூட்டத்தில், பிசிசிஐ-க்கு வரிசலுகை அளித்ததன் பெயரில், வரிசலுகை தொகையை விரைவில் செலுத்த வேண்டும் என வலியுறுஅப்பட்டது. ஆனால் இதுவரை அந்த தொகையை பிசிசிஐ வழங்கவில்லை.

160 கோடி :
இந்நிலையில் வரும் 30ம் தேதிக்குள் $21 மில்லியன் (ரூ. 160 கோடி) ஐசிசி-க்கு பிசிசிஐ செலுத்த வேண்டும் என உத்தரவிடப்பட்டுள்ளது.

2023 உலகக் கோப்பை:
அப்படி இந்திய கிரிக்கெட் வாரியம் (பிசிசிஐ) செலுத்த வேண்டும். அப்படி செலுத்தாவிட்டால், பிசிசிஐ வருவாய் தொகையில் கழித்துக் கொள்ளப்படும். அதோடு 2021ல் இந்தியாவில் நடக்க இருக்கும் சாம்பியன்ஸ் டிரோபி மற்றும் 2023ல் இந்தியாவில் நடக்க இருக்கும் 50 ஓவர் உலகக் கோப்பை கிரிக்கெட் தொடர்கள் வேறு நாடுகளுக்கு மாற்றப்படும் என மிரட்டல் தொனியில் பிசிசிஐ.,யிடம் ஐசிசி தெரிவித்துள்ளது.

இதனால் பிசிசிஐ விரைவில் ரூ. 160 கோடி தொகையை ஐசிசி.,க்கு செலுத்தும் என தெரிகிறது.