வெளுத்து கட்டிய இளம் இந்திய அணி - ஜிம்பாப்வே அணியை 10 விக்கெட் வித்தியாசத்தில் வீழ்த்தியது

ஜிம்பாப்வே அணிக்கு எதிரான டி20 உலகக் கோப்பை போட்டியில் இந்திய இளம் அணி 10 விக்கெட் வித்தியாசத்தில் வெற்றி பெற்று சாதித்துள்ளது.

நியூசிலாந்தில் 19 வயதுக்குட்பட்டோருக்கான உலகக் கோப்பை போட்டி நடைப்பெற்று வருகின்றது. இதில் இந்திய அணி குரூப் பி பிரிவில் இடம்பெற்றுள்ளது.

ஏற்கனவே ஆஸ்திரேலியா, பப்புவா நியூகினியா அணியை அசத்தலாக வென்றிருந்த இந்திய இளம் அணி இன்று ஜிம்பாப்வே அணியை எதிர்கொண்டது.

இதில் டாஸ் வென்ற ஜிம்பாப்வே அணி முதலில் பேட்டிங் செய்தது. 48.4 ஓவரில் அனைத்து விக்கெட்டுகளையும் இழந்து வெறும் 154 ரன்களை மட்டும் எடுத்தது.
இந்தியாவின் அனுகுல் சுதாகர் ராய் 4 விக்கெட்டுகளை வீழ்த்தினார்.

தொடர்ந்து விளையாடிய இந்திய அணியின் தொடக்க வீரர்களான ஹர்விக் தேசாய் 56, சுப்மன் கில் 90 ரன்கள் விளாச, இந்திய் அணி 10 விக்கெட்டுகள் வித்தியாசத்தில் அசத்தல் வெற்றி பெற்று பி பிரிவில் முதலிடத்தில் நீடிக்கின்றது.