‘5 பந்தில் 5 சிக்ஸர்’…யூசுப் பதான் ஓவரில் மே.இ.தீவுகள் பேட்டர் அதிரடி: வைரல் வீடியோ இதோ..செம்ம போட்டி!

ஐக்கிய அரபு அமீரகத்தில் சர்வதேச டி20 லீக் தொடர் நடைபெற்று வருகிறது.

இதில் 25ஆவது லீக் போட்டியில் டெசர்ட் வைபர்ஸ், துபாய் கேபிடல்ஸ் ஆகிய அணிகள் மோதின. இப்போட்டியில் டாஸ் வென்ற துபாய் கேபிடல்ஸ் அணி முதலில் பந்துவீச்சைத் தேர்வு செய்தது.

டெசர்ட் வைபர்ஸ் இன்னிங்ஸ்:

இப்போட்டியில் முதலில் களமிறங்கிய டெசர்ட் வைபர்ஸ அணியில் அலேக்ஸ் ஹேல்ஸ், கேப்டன் கோலின் முன்ரோ ஆகியோர் தலா ஒரு ரன்னை மட்டும் அடித்து ஆட்டமிழந்தனர்.

இதனைத் தொடர்ந்து முஸ்தபா 31 (21), சாம் பில்லிங்ஸ் 54 48) ஆகியோர் சிறப்பாக விளையாடி ஆட்டமிழந்தனர். இதனைத் தொடர்ந்து ரூதர்போர்ட் களத்திற்குள் வந்தார். அப்போது பதான் வீசிய 16ஆவது ஓவரின் இரண்டாவது பந்தில் ஸ்ட்ரைக்கிற்கு வந்த ரூதர்போர்ட், தொடர்ந்து 5 சிக்ஸர்களை பறக்கவிட்டு கெத்து காட்டினார்.


இறுதியில் 23 பந்துகளில் 6 சிக்ஸர்கள் உட்பட 50 ரன்களை எடுத்து, ராபின் உத்தப்பாவிடம் ரன்அவுட் ஆனார். தொடர்ந்து டாம் கரனும் 17 (9) சிறப்பாக விளையாடியதால், டெசர்ட் வைபர்ஸ் அணி 20 ஓவர்கள் முடிவில் 182/7 ரன்களை சேர்த்து அசத்தியது.

துபாய் கேபிடல்ஸ் இன்னிங்ஸ்:

இலக்கை துரத்திக் களமிறங்கிய துபாய் கேபிடல்ஸ் அணியில் ஓபனர் ராபின் உத்தப்பா 30 (21) சிறப்பான துவக்கம் தந்தார். இவர் கடந்த சில போட்டிகளில் சிறப்பாக விளையாடியதால், இப்போட்டியிலும் அதிரடி காட்டுவார் என எதிர்பார்க்கப்பட்ட நிலையில், பெரிய ஸ்கோர் அடிக்காமல் ஆட்டமிழந்தார்.

தொடர்ந்து முன்சே 0 (3) டக் அவுட் ஆன நிலையில், அடுத்து சிக்கந்தர் ராசா 41 (32), ரௌமேன் பௌல் 33 (25), ஆகியோர் ஓரளவுக்கு அபாரமாக விளையாடினார்கள். யூசுப் பதான் 5 (4), கருணரத்னே 10 (8), ஆடம் ஜம்பா 14 (8) போன்றவர்கள் கடைசி நேரத்தில் சிறப்பாக செயல்படவில்லை. இதனால், துபாய் கேபிடல்ஸ் அணி 20 ஓவர்களில் 160/7 ரன்களை மட்டும் சேர்த்து, 22 ரன்கள் வித்தியாசத்தில் தோல்வியை சந்தித்தது.