கோலி சதம் பற்றி கைஃப் எழுதிய வித்தியாசமான ட்வீட்

இங்கிலாந்துக்கு எதிரான முதல் ஒருநாள் போட்டியில் இந்திய அணியின் கேப்டன் விராத் கோலி சதமடித்தது பற்றி இந்திய அணியின் முன்னாள் வீரர் முகமது கைஃப் வித்தியாசமான ட்வீட் ஒன்றை எழுதியுள்ளார்.

இந்தியா – இங்கிலாந்து இடையேயான மூன்று போட்டிகள் கொண்ட ஒருநாள் தொடரில் முதல் போட்டி ஞாயிற்றுக்கிழமை புனேயில் நடைபெற்றது. இதில் இந்திய அணி 351 ரன்களைச் சேஸ் செய்து வெற்றிபெற்றது. இதில் இந்திய அணியின் கேப்டன் விராத் கோலி 105 பந்துகளில் 122 ரன்கள் குவித்தார். அவருடன் இணைந்து இங்கிலாந்து பந்துவீச்சை சிதறிடித்த கெதார் ஜாதவ் 120 ரன்கள் எடுத்தார்.

இப்போட்டியில், விராத் கோலி அடித்த சதம் பற்றி ட்விட்டரில் எழுதியுள்ள முன்னாள் இந்திய வீரர் முகமது கைஃப், வீடியோ ஆன் டிமேன்ட் காலத்தில் விராத் கோலி சதங்களை டிமாண்டில் வைத்திருக்கிறார். 27வது சதம்! நம்பமுடியாத சாதனை! என்று குறிப்பிட்டுள்ளார். In an age of video on demand, Virat Kohli literally scores a 100 on demand. That's number 27, simply unbelievable.#INDvENG — Mohammad Kaif (@MohammadKaif) January 15, 2017