கறுப்புபடையை கதிகலங்க வைத்த இந்திய வேகங்கள்!

லண்டன்: நியூசிலாந்து அணிக்கு எதிரான பயிற்சி ஆட்டத்தில் இந்திய வேகப்பந்துவீச்சாளர்கள் மிரட்ட, அந்த அணி 189 ரன்களுக்கு ஆல் அவுட்டானது.

இங்கிலாந்தில் வரும் ஜூன் மாதம் 1ம் தேதி முதல் மினி உலகக்கோப்பை என கருதப்படும், சாம்பியன்ஸ் டிராபி கிரிக்கெட் தொடர் நடக்கவுள்ளது. இதில் இங்கிலாந்து, ஆஸ்திரேலியா, இந்தியா, தென் ஆப்ரிக்கா, நியூசிலாந்து, இலங்கை, பாகிஸ்தான், வங்கதேசம் உள்ளிட்ட 8 அணிகளும் பங்கேற்கின்றன.

இத்தொடரின் லீக் போட்டிகளுக்கு முன், இந்திய அணி பயிற்சி போட்டியில், நியூசிலாந்து அணியை எதிர்கொள்கிறது. இதில் ’டாஸ்’ வென்ற நியூசிலாந்து அணி கேப்டன் வில்லியம்சன், முதலில் பேட்டிங் தேர்வு செய்தார். அந்த அணியின் சீனியர் வீரர் ராஸ் டெய்லர், லதாம், மெக்லீனகன் ஆகியோர் பெஞ்சில் அமர வைக்கப்பட்டனர்.


ரோகித் அவுட்:
இந்திய அணியில், வருகை தாமதமான துவக்க வீரர் ரோகித் சர்மாவும், காயம் காரணமாக யுவராஜ் சிங்கும் அணியில் விளையாடவில்லை.

ஷமி கலக்கல்:
இதையடுத்து களமிறங்கிய நியூசிலாந்து அணிக்கு துவக்க வீரர் கப்டில் (9) ஷமி வேகத்தில் அவுட்டானார். பின் வந்த வில்லியம்சன் (8), புரூம் (0) ஆகியோரையும் அடுத்ததடுத்த பந்தில் ஷமி வெளியேற்றினார்.

தொடர்ந்து வந்த ஆண்டர்சன் (13), சாண்ட்னர் (12), கிராண்ட்ஹோமே (4) ஆகியோரும் வெளியேறினர். ரான்கி (66) அரைசதம் கடந்து அவுட்டானார். கடைசி நேரத்தில் நீசம் (46*) ஓரளவு கைகொடுக்க, நியூசிலாந்து அணி 38.4 ஓவரில், 189 ரன்களுக்கு ஆல் அவுட்டானது.

இதையடுத்து சுலப இலக்கை துரத்திய இந்திய அணி 5 ஓவரில் விக்கெட்டுக்கு 30 ரன்கள் எடுத்திருந்தது.