பயிற்சியில் தேறாத தவான், ராகுல் பக்கம் தலையை திருப்பும் ரவி சாஸ்திரி!

லண்டன்: இங்கிலாந்துக்கு எதிரான முதல் டெஸ்ட் போட்டிக்கான பயிற்சியில் துவக்க வீரர் தவான் சொதப்பியதை தொடர்ந்து, ராகுல் துவக்க வீரராக களமிறங்க வாய்ப்பு இருப்பதாக பயிற்சியாளர் ரவி சாஸ்திரி நாசுக்காக தெரிவித்துள்ளார்.

இங்கிலாந்து சென்றுள்ள இந்திய அணி, 3 டி-20, 3 ஒருநாள் போட்டிகள் கொண்ட தொடரில் பங்கேற்றது. டி-20 தொடரை இந்திய அணி (2-1) வென்றது. ஒருநாள் தொடரை இங்கிலாந்து அணி (2-1) கைப்பற்றியது.

இந்நிலையில் இந்திய கிரிக்கெட் அணி அடுத்ததாக இங்கிலாந்து அணிக்கு எதிராக 5 போட்டிகள் கொண்ட தொடரில் பங்கேற்கவுள்ளது. இரு அணிகள் மோதும் முதல் டெஸ்ட் போட்டி வரும் 1ம் தேதி பர்மிங்ஹாமில் துவங்குகிறது.

தேறாத தவான்:
இந்நிலையில் முதல் டெஸ்ட் போட்டிக்கான முன்பான மூன்று நாட்கள் பயிற்சிபோட்டியின் இரண்டு இன்னிங்சிலும் இந்திய அணியின் துவக்க வீரர் தவான் ‘டக்’ அவுட்டானார். இதையடுத்து ராகுல் துவக்க வீரராக களமிறங்க வாய்ப்பு இருப்பதாக பயிற்சியாளர் ரவி சாஸ்திரி நாசுக்காக தெரிவித்துள்ளார்.

எதற்கும் தயார்.....
இதுகுறித்து இந்திய பயிற்சியாளர் ரவி கூறுகையில், ‘ராகுல் இந்திய அணியின் மூன்றாவது துவக்க வீரராக தான் அணியில் தேர்வு செய்யப்பட்டார். ஆனால் இந்திய அணியின் பேட்டிங் வரிசைப்பொறுத்தவரையில் எதற்கும் எந்த இடத்தில் களமிறங்கவும் தயாராக எப்போதும் இருக்க வேண்டும். அதனால் முதல் டெஸ்டுக்கான அணி ரசிகர்களுக்கு ஆச்சரியத்தை அளிக்கலாம்’ என்றார்.

"Rahul has been picked as the third opener. But our batting order will always be flexible. The third opener can play anywhere in the top four. We are a very, very flexible outfit. Be prepared for that. We will surprise you guys at times," Shastri quoted