IND vs AUS: 'இத செஞ்சாலே'...இந்தியா தோத்துடும்னு தெரியும்: ரொம்ப சிம்பில்தான்..ஸ்டீவ் ஸ்மித் கிண்டல்!

இந்தியா வந்துள்ள ஆஸ்திரேலிய அணி மூன்று போட்டிகள் கொண்ட ஒருநாள் தொடரில் பங்கேற்று விளையாடி வருகிறது.

இதில் முதல் ஒருநாள் போட்டியில் இந்திய அணி 5 விக்கெட்கள் வித்தியாசத்தில் வெற்றிபெற்றதை தொடர்ந்து, இரண்டாவது ஒருநாள் போட்டி விசாகப்பட்டினத்தில் துவங்கி நடைபெற்றது. இப்போட்டியில் டாஸ் வென்ற ஆஸ்திரேலிய அணி முதலில் பந்துவீச்சைத் தேர்வு செய்தது.

இந்திய இன்னிங்ஸ்:

முதலில் களமிறங்கிய இந்திய அணிக்கு எதிராக ஆஸ்திரேலிய வேகப்பந்து வீச்சாளர்கள் தொடர்ந்து சிறப்பான முறையில் பந்துகளை ஸ்விங் செய்தனர். பவுன்ஸும் இருந்தது. இதனை தாக்குப்பிடிக்க முடியாமல் இந்திய அணி வீரர்கள் அடுத்தடுத்து ஆட்டமிழந்து சொதப்பினார்கள்.

அதிகபட்சமாக கோலி 31 (35), அக்சர் படேல் 29 (29) ஆகியோர்தான் ஓரளவுக்கு ரன்களை சேர்த்தார்கள். சூர்யகுமார் யாதவ், முகமது ஷமி ஆகியோல் கோல்டன் டக் ஆகிய நிலையில், ஷுப்மன் கில், சிராஜ் இருவரும் டக் அவுட் ஆனார்கள். இதனால், இந்திய அணி 117/10 ரன்களுக்கு சுருண்டது.

CSK: 'ஜேமிசனுக்கு மாற்றாக'...32 வயது பௌலரை வாங்கியது சிஎஸ்கே: அனுபவமும் கிடையாது..ரசிகர்கள் ஷாக்!

ஆஸி இன்னிங்ஸ்:

இதனைத் தொடர்ந்து களமிறங்கிய ஆஸ்திரேலிய அணியில் ஓபனர்கள் டிராவிஸ் ஹெட் 51 (30), மிட்செல் மார்ஷ் 66 (36) இருவரும் தொடர்ந்து அபாரமாக விளையாடி அசத்தியதால், ஆஸ்திரேலிய அணி 11 ஓவர்கள் முடிவில் 121/0 ரன்களை சேர்த்து, 10 விக்கெட்கள் வித்தியாசத்தில் அபார வெற்றியைப் பெற்றது.

ஸ்மித் பேட்டி:

இப்போட்டி முடிந்தப் பிறகு ஆஸ்திரேலிய அணிக் கேப்டன் ஸ்டீவ் ஸ்மித் பேட்டிகொடுத்தார். அதில், ''மிகவிரைவாக போட்டி முடிந்துவிட்டது. 37 ஓவர்களில் ஒரு போட்டி முடிவதை எப்போதாவதுதான் பார்க்க முடியும். மிட்செல் ஸ்டார்க் பவர் பிளேவில் அபாரமாக பந்துவீசி இந்திய அணிக்கு அழுத்தங்களை ஏற்படுத்தினார். இந்த பிட்ச் எப்படி செயல்படும், பேட்டர்களுக்கு சாதகமா? பௌலர்களுக்கு சாதகமாக? என்பது குறித்து எனக்கு தெரியவில்லை. இதனால், அழுத்தங்களை ஏற்படுத்தினாலே வெற்றிபெற முடியும் என நினைத்தோம். அதேபோல்தான் நடந்துள்ளது'' எனக் கூறினார்.

IND vs AUS: 'படுதோல்விக்கு காரணம்?'...இந்த ஒரு விஷயத்தாலதான் தோத்தோம்: ரோஹித் ஷர்மா விளாசல்!

பிட்ச் தன்மை:

விகாசப்பட்டினத்தில் போட்டி துவங்கும்முன் மழை பெய்ததால், பிட்ச் துவக்கத்தில் வேகத்திற்கு சாதகமாக இருக்கும் என முன்பே கணிக்கப்பட்டிருந்தது. இத்தகைய பிட்சில் மிட்செல் ஸ்டார்க் தொடர்ந்து அபாரமாக செயல்படக் கூடியவர். மற்ற ஆஸ்திரேலிய பௌலர்களும் வேகத்திற்கு சாதகமான பிட்சில் சிறப்பாகத்தான் செயல்படுவார்கள். அதனால்தான், ஆஸ்திரேலியாவில் சிறப்பாக செயல்பட முடிந்தது.
இதனை எதிர்பார்க்காமல் இந்திய அணி ரெகுலராக விளையாடுவதுபோல் விளையாடியதால்தான், தோற்றது என்பது குறிப்பிடத்தக்கது.