IND vs AUS ODI: 'உத்தேச XI அணி'...தமிழக அதிரடி வீரருக்கு இடம்: லக் மூலம் இடம்பிடித்த 2 பேர்? தரமான அணி!

ஆஸ்திரேலியாவுக்கு எதிரான நான்கு போட்டிகள் கொண்ட டெஸ்ட் தொடரை இந்திய அணி 2-1 என்ற கணக்கில் கைப்பற்றியதைத் தொடர்ந்து, இரு அணிகளுக்கும் இடையில் மூன்று போட்டிகள் கொண்ட ஒருநாள் தொடர் துவங்கி நடைபெறவுள்ளது..

ஒருநாள் தொடர்:

ஒருநாள் தொடர் மார்ச் 17, 19, 22 ஆகிய தேதிகளில் நடைபெறவுள்ளது. முதல் ஒருநாள் போட்டி மும்பையிலும், அடுத்து விசாகப்பட்டினத்திலும், கடைசிப் போட்டி சென்னையிலும் துவங்கி நடைபெறவுள்ளது.

நேரம்:

மூன்று ஒருநாள் போட்டிகளிலும் இந்திய நேரப்படி பகல் 1:30 மணிக்கு துவங்கி நடைபெறும்.

இந்திய அணி:

இத்தொடருக்கான இந்திய அணி சமீபத்தில் அறிவிக்கப்பட்டது. குடும்ப உறுப்பினர் திருமணத்தில் பங்கேற்பதற்காக ரோஹித் ஷர்மா முதல் போட்டியில் விளையாட மாட்டார் என அறிவிக்கப்பட்டுள்ளது. அப்போது ஹார்திக் பாண்டியா கேப்டனாக செயல்படுவார் எனவும் தெரிவிக்கப்பட்டுள்ளது.

ஓபனர்கள்:

ரோஹித் இல்லாததால் ஷுப்மன் கில்லுடம் ஓபனராக களமிறங்க இஷான் கிஷனுக்கு வாய்ப்பு கிடைத்துள்ளது.

மிடில் வரிசை:

கோலி வழக்கம்போல மூன்றாவது இடத்தில் களமிறங்குவார். காயம் காரணமாக ஷ்ரேயஸ் ஐயர் விலகியுள்ளதால், சூர்யகுமார் யாதவுக்கு லெவன் அணியில் வாய்ப்பு கிடைக்கும் நிலை இருக்கிறது. இவரைத் தொடர்ந்து கே.எல்.ராகுல் களமிறங்க வாய்ப்புள்ளது. ரோஹித் இல்லாததால் இஷான் கிஷனுக்கு ஓபனர் வாய்ப்பு வழங்கப்பட்டுள்ளது. இதனால், மிடில் வரிசையில் கிஷனுக்கு மாற்றாக கே.எல்.ராகுல் சேர்க்கப்பட்டுள்ளார். ராகுல் முதல் போட்டியில் சிறப்பாக செயல்படவில்லை என்றால், ஓரங்கட்டப்படுவார் எனக் கூறப்படுகிறது.

ஆல்-ரவுண்டர்கள்:

ஆல்-ரவுண்டர் ஹார்திக் பாண்டியா 6ஆவது இடத்திலும், கடந்த 2022 ஜூலை மாத்திற்கு பிறகு ஒருநாள் அணிக்கு திரும்பவுள்ள ஜடேஜா 7ஆவது இடத்திலும் களமிறங்குவது உறுதியாகியுள்ளது. அக்சர் படேல் ஜடேஜாவைப் போல பந்துவீசக் கூடியவர் என்பதால், இவரை நீக்கிவிட்டு ஆஃப் ஸ்பின்னர் வாஷிங்டன் சுந்தரை களமிறக்க வாய்ப்புகள் இருக்கிறது.

பந்துவீச்சாளர்கள்:

உம்ரான் மாலிக், ஜெய்தேவ் உனாத்கட் இருவரும் முதல் போட்டியில் விளையாட வாய்ப்பில்லை. வழக்கம்போல முகமது ஷமி, முகமது சிராஜ் இருவரும் பந்துவீச வாய்ப்புள்ளது. சஹலை நீக்கிவிட்டு குல்தீப் யாதவுக்கு வாய்ப்பு கொடுக்கப்படும் எனத் தெரிகிறது.

இந்திய உத்தேச லெவன் அணி: இஷான் கிஷன், ஷுப்மன் கில், விராட் கோலி, சூர்யகுமார் யாதவ், கே.எல்.ராகுல், ஹார்திக் பாண்டியா, ரவீந்திர ஜடேஜா, வாஷிங்டன் சுந்தர், முகமது சிராஜ், முகமது ஷமி, குல்தீப் யாதவ்.