IND vs ENG Test: ‘வரலாற்றுச் சாதனையை’…படைத்தார் ரிஷப் பந்த்: மிரட்டல் சதம்…இந்தியா அபாரம்!

இந்தியா, இங்கிலாந்து இடையில் கடந்த ஆண்டில் 5 போட்டிகள் கொண்ட டெஸ்ட் தொடர் நடைபெற்றது. இதில் முதல் 4 போட்டிகள் நடந்து முடிந்து, இந்தியா 2-1 என்ற கணக்கில் முன்னிலை பெற்றிருந்து நிலையில், கடைசிப் போட்டி கொரோனா காரணமாக ஒத்திவைக்கப்பட்டது.

அந்த எஞ்சிய ஒரு போட்டிதான் இன்று துவங்கியுள்ளது. இதில் டாஸ் வென்ற இங்கிலாந்து அணி முதலில் பந்துவீச்சைத் தேர்வு செய்துள்ளது. ரோஹித் ஷர்மாவுக்கு பதில் பும்ரா கேப்டனாக செயல்பட்டு வருகிறார்.

இந்திய இன்னிங்ஸ்:

முதலில் களமிறங்கியுள்ள இந்திய அணியில் முதல் வரிசை பேட்டர்கள் சிறப்பாக செயல்படவில்லை. ஓபனர்கள் ஷுப்மன் கில் 17 (24), சேத்தஸ்வர் புஜாரா 13 (46) ஆகியோர் பெரிய ஸ்கோர் அடிக்காமல் ஆட்டமிழந்தனர். தொடர்ந்து, தன்னை நிரூபிக்க வேண்டிய கட்டாயத்தில் இருந்த ஹனுமா விஹாரியும் 20 (53) சொதப்பலாக விளையாடி நடையைக் கட்டினார்.

இந்நிலையில் விராட் கோலி 11 (19), ஷ்ரேயஸ் ஐயர் 15 (11) ஆகியோரும் ஏமாற்றியதால் ரசிகர்கள் கவலையுடன் அமர்ந்திருந்தனர். இந்தியாவும் 98/5 எனத் திணறியது.

மெகா பார்ட்னர்ஷிப்:

அந்த சமயத்தில் ரிஷப் பந்த், ரவீந்திர ஜடேஜா ஆகிய இடது கை பேட்டர்கள் பார்டனர்ஷிப் அமைக்க ஆரம்பித்தார்கள். இருவரும் அடிக்கடி ரன் அடித்ததால், இந்தியாவின் ஸ்கோர் தொடர்ந்து உயர ஆரம்பித்தது. இந்த பார்ட்னர்ஷுப்பும் 100+ ரன்களை கடந்தது.

ரிஷப் வரலாற்றுச் சாதனை:

இறுதியில் ரிஷப் பந்த் 89 பந்துகளில் சதம் அடித்து அசத்தினார். இதன்மூலம், இந்திய அணிக்காக வெளிநாட்டு மண்ணில் அதிக சதம் (4) அடித்த இந்திய வீரர் என்ற வரலாற்றுச் சாதனையை ரிஷப் படைத்தார். இதற்குமுன் விஜய் மஞ்சுரேக்கர், அஜஸ் ரட்ரா, விருத்திமான் சாஹா ஆகியோர் தலா மூன்று சதங்களை அடித்திருந்தார்கள்.

அபாரம்:

ரிஷப் சதம் அடித்ததை தொடர்ந்து ஜடேஜாவும் அரை சதம் கடந்தார். இந்த பார்ட்னர்ஷிப்பை இங்கிலாந்தால் பிரிக்க முடியவில்லை. இதனால் ஸ்கோர் 98/5 என்பதில் இருந்து 319/5 என மாறியது. இந்நிலையில் ரிஷப் பந்த் 111 பந்துகளில் 20 பவுண்டரி, 4 சிக்ஸர்கள் உட்பட 146 ரன்களை குவித்து அசத்தினார்.

அடுத்து ஷர்தூல் தூகூர் 1 (12) ஆட்டமிழந்த நிலையில் ஜடேஜா 83 (163), முகமது ஷமி 0 (11) ஆகியோர் களத்தில் இருக்கிறார்கள். முதல்நாள் ஆட்டம் முடிவுக்கு வந்துள்ளது.