Ind vs Ire 2nd T20: ‘அறிமுக வீரருக்கு வாய்ப்பு?’…ருதுராஜ் களமிறக்கப்படுவாரா…உத்தேச XI அணி இதுதான்!

இந்தியா, அயர்லாந்து இடையில் 2 போட்டிகள் கொண்ட டி20 தொடர் நடைபெற்று வருகிறது. இதில் முதல் போட்டி டப்லினில் நடைபெற்றது. இப்போட்டியில் டாஸ் வென்ற இந்திய அணி முதலில் பந்துவீச்சைத் தேர்வு செய்த நிலையில், மழை காரணமாக போட்டி தொடங்குவதில் தாமதம் ஏற்பட்டது.

இறுதியில் 12 ஓவர்கள் கொண்ட போட்டியாக ஆட்டம் நடைபெற்றது.

அயர்லாந்து இன்னிங்ஸ்:

முதலில் களமிறங்கிய அயர்லாந்து அணியில் ஓபனர்கள் ஸ்டெர்லிங் 4 (5), பல்பிர்னி 0 (2), டிபனி 8 (9) ஆகியோர் அடுத்தடுத்து ஆட்டமிழந்து ஷாக் கொடுத்தனர். அனுத்து ஹேரி டெக்டர் 33 பந்துகளில் 6 பவுண்டி, 3 சிக்ஸர்கள் உட்பட 64 ரன்களை குவித்து அசத்தினார்.

தொடர்ந்து டக்கர் 16 பந்துகளில் 18 ரன்கள் அடித்தார். இதனால், அயர்லாந்து அணி 12 ஓவர்களில் 108/4 ரன்களை சேர்த்தது.

இந்தியா அபார வெற்றி:

இந்திய அணியில் ஓபனர் தீபக் ஹூடா 47* (29), இஷான் கிஷன் 26 (11), ஹார்திக் பாண்டியா 24 (12) ஆகியோர் சிறப்பாக விளையாடியதால், இந்தியா 9.2 ஓவர்களில் 111/3 ரன்களை சேர்த்து, 7 விக்கெட்கள் வித்தியாசத்தில் அபார வெற்றியைப் பெற்றது. ஹூடா, தினேஷ் கார்த்திக் 5* (4) கடைசிவரை களத்தில் இருந்தார்கள்.

ருதுராஜ் இல்லை:

முதல் போட்டியில் XI அணியில் சேர்க்கப்பட்டிருந்த ருதுராஜ் கெய்க்வாட் களமிறக்கப்படவில்லை. இதுகுறித்து பின்னர் விளக்கம் அளித்த ஹார்திக் பாண்டியா, ருதுராஜிற்கு பின்னங்கால் சதைப் பகுதியில் சிறிய பிரச்சினை இருந்தது. அதனால்தான் களமிறக்கப்படவில்லை எனக் கூறினார். இதனால், இரண்டாவது போட்டியில் அவர் களமிறக்கப்படுவது சந்தேகம்தான்.

ஒருவேளை ருதுராஜ் சேர்க்கப்படவில்லை என்றால் ராகுல் திரிபாதி அறிமுக போட்டியில் விளையாட அதிக வாய்ப்புள்ளது. மற்றபடி அணியில் பெரிய மாற்றங்கள் இருக்க வாய்ப்பில்லை எனக் கருதப்படுகிறது.

இந்திய உத்தேச XI அணி: இஷான் கிஷன், ருதுராஜ் கெய்க்வாட் / ராகுல் திரிபாதி, தீபக் ஹூடா, சூர்யகுமார் யாதவ், ஹார்திக் பாண்டியா, அக்சர் படேல், தினேஷ் கார்த்திக், ஹர்ஷல் படேல், புவனேஷ்வர் குமார், ஆவேஷ் கான், யுஜ்வேந்திர சஹல்.