இந்தியா பேட்டிங்
இந்தியா வந்துள்ள வெஸ்ட் இண்டீஸ் அணி 3 ஒருநாள் போட்டிகள் கொண்ட தொடரில் பங்கேற்கிறது. சென்னை சேப்பாக்க மைதானத்தில் நடந்த முதல் போட்டியில் வெஸ்ட் இண்டீஸ் அணி வென்றது. இரு அணிகள் மோதும் இரண்டாவது ஒருநாள் போட்டி விசாகப்பட்டினத்தில் இன்று நடக்கிறது. இதில் டாஸ் வென்ற வெஸ்ட் இண்டீஸ் அணி கேப்டன் போலார்டு, முதலில் பீல்டிங் தேர்வு செய்தார்.
எவின் லீவிஸ் வருகை
இதில் இந்திய அணியில் ஆல் ரவுண்டர் சிவம் துபேவுக்கு பதிலாக ஷார்துல் தாகுர் அணியில் சேர்க்கப்பட்டார். வெஸ்ட் இண்டீஸ் அணிக்கு சுனில் ஆம்பிரிசுக்கு பதிலாக எவின் லீவிஸ் அணிக்கு திரும்பினார். காரி பெர்ரி அறிமுக வீரராக வாய்ப்பு பெற்றார்.
ராகுல் அதிரடி
இதையடுத்து களமிறங்கிய இந்திய அணிக்கு ராகுல், ரோஹித் ஜோடி துவக்கம் அளித்தது. வெஸ்ட் பவுலர்களின் இருவரும் ஒரு கைபார்த்தனர். சரமாரியாக பவுண்டரிகளுமாக விளாசினர். இதற்கிடையில் ரோஹித் ஷர்மா 70 ரன்கள் அடித்திருந்த போது கொடுத்த கேட்ச் வாய்ப்பை வெஸ்ட் இண்டீஸ் வீரர் ஹெர்மயர் கோட்டைவிட்டார்.
பயன்படுத்திய ரோஹித்
இந்த அதிர்ஷ்ட வாய்ப்பை சிறப்பாக பயன்படுத்திக்கொண்ட ரோஹித் ஷர்மா, ஒருநாள் அரங்கில் தனது 28ஆவது சதத்தை பூர்த்தி செய்து அசத்தினார். மறுபுறம் தன்பங்கிற்கு சிறப்பான ஆட்டத்தை வெளிப்படுத்திய ராகுல், ஒருநாள் அரங்கில் தனது 3ஆவது சதத்தை எட்டினார்.
கோலி டக் அவுட்
முதல் விக்கெட்டுக்கு இந்த ஜோடி 227 ரன்கள் சேர்த்த போது, ராகுல் (102) அவுட்டானார். அடுத்து வந்த கேப்டன் கோலி முதல் பந்திலேயே டக் அவுட்டாகி வெளியேறினார். தொடர்ந்து அதிரடியில் மிரட்டிய ரோஹித் ஷர்மா 159 ரன்கள் அடித்து அவுட்டானார்.
தாறுமாறு அடி
தொடர்ந்து வந்த ரிஷப் பந்த் தாறுமாறாக காட்டடி அடித்தார். 16 பந்தில் 39 ரன்கள் எடுத்து அவுட்டானார். எதிர்முனையில் ஸ்ரேயாஸ் ஐயர் சேஸ் வீசிய போட்டியின் 48வது ஓவரில் 31 ரன்கள் அடித்து இந்திய அணிக்கு புது சாதனை படைத்து அசத்தினார். தவிர, ஒருநாள் அரங்கில் தனது 6ஆவது அரைசதத்தை (53) பதிவு செய்து அவுட்டானார். இதையடுத்து இந்திய அணி, 50 ஓவரில் 5 விக்கெட்டுக்கு 387 ரன்கள் எடுத்தது.
ராகுல் அதிரடி
இதையடுத்து களமிறங்கிய இந்திய அணிக்கு ராகுல், ரோஹித் ஜோடி துவக்கம் அளித்தது. வெஸ்ட் பவுலர்களின் இருவரும் ஒரு கைபார்த்தனர். சரமாரியாக பவுண்டரிகளுமாக விளாசினர். இதற்கிடையில் ரோஹித் ஷர்மா 70 ரன்கள் அடித்திருந்த போது கொடுத்த கேட்ச் வாய்ப்பை வெஸ்ட் இண்டீஸ் வீரர் ஹெர்மயர் கோட்டைவிட்டார்.
ரோஹித் நம்பர்-1
இந்தாண்டில் ஒருநாள் கிரிக்கெட்டில் அதிக ரன்கள் அடித்த வீரர்கள் பட்டியலில்[ கேப்டன் கோலியை பின்னுக்கு தள்ளி ரோஹித் ஷர்மா நம்பர்-1 இடத்துக்கு முன்னேறினார்.
இந்தாண்டில் அதிக ரன்கள் அடித்த வீரர்கள் பட்டியல்
1427 - ரோஹித் ஷர்மா
1292 - விராட் கோலி
1225 - ஷேய் ஹோப்
1141 - ஆரோன் பின்ச்
ஒருநாள் கிரிக்கெட்டில் ஒரே ஆண்டில் ரோஹித் ஷர்மா அடித்த அதிக ரன்கள் பட்டியல்
1427 - 2019
1293 - 2017
1196 - 2013
1030 - 2018
இது ‘30’ ராசி
இந்திய அணியின் துவக்க ஜோடியான ரோஹித் ஷர்மா, கே.எல்.ராகுல் ஜோடி முதல் விக்கெட்டுக்கு 4ஆவது முறையாக 30 ரன்களுக்கு மேல் தாண்டியது. முன்னதாக மூன்று முறையும் முதல் விக்கெட்டுக்கு 30 ரன்களுக்கு மேல் எடுத்த போது 136 ரன்கள் (பாகிஸ்தான், மான்செஸ்டர்), 180 (வங்கதேசம், எட்ஜ்பாஸ்டன்), 189 (இலங்கை, லீட்ஸ்) சேர்த்து அசத்தினர். இந்த ராசி இப்போட்டியிலும் தொடர்ந்தது. இப்போட்டியில் ராகுல் - ரோஹித் ஜோடி முதல் விக்கெட்டுக்கு 227 ரன்கள் சேர்த்து அசத்தியது.