ICC World Cup: 3 மணிக்கு வெளியாகும் உலகக் கோப்பையில் விளையாடும் இந்திய அணி

உலகக் கோப்பையில் விளையாடும் இந்திய அணி எப்போது, எத்தனை மணிக்கு அறிவிக்கப்படும் என தகவல் வெளியிடப்பட்டுள்ளது.

உலகக் கோப்பை தொடர் வரும் மே 30ம் தேதி தொடங்கி ஜூலை 14ம் தேதி வரை இங்கிலாந்தில் நடைப்பெற உள்ளது. இதற்கான இந்திய அணி வரும் ஏப்ரல் 15ம் தேதி மாலை 3 மணிக்கு அறிவிக்கப்படும் என தகவல் தெரிவிக்கப்பட்டுள்ளது.

இந்திய அணி:
இந்திய அணியை தேர்வு செய்ய இந்திய கிரிக்கெட் அணி தேர்வாளர்களும், அணி கேப்டன் விராட் கோலி, பயிற்சியாளர் ரவி சாஸ்திரி தலைமையில் அணி தேர்வு நடக்க உள்ளது.

இந்திய அணி தேர்வு செய்ததில் இருக்கும் சிக்கலோடு, அணியில் 4வது இடத்தில் ஆடுவது யார் என்பது குறித்து அதிகம் விவாதிக்கப்படும் என தெரிகிறது. முன்னதாக அம்பதி ராயுடு 4வது இடத்தில் விளையாட சரியானவர் என விராட் கோலி கூறி இருந்தார்.

ஆனால் தற்போது மீண்டும் அந்த இடத்தில் விளையாடும் வீரர் யார் என்பது குறித்த விவாதம் எழுந்துள்ளது.