உலகின் நீளமான ஐசிசி டெஸ்ட் தொடர்... முடிய 2 வருடங்கள் ஆகுமாம்

உலக கோப்பை ஒருநாள் கிரிக்கெட் போட்டித் தொடரைப் போல, ஐசிசி சார்பாக டெஸ்ட் கிரிக்கெட் தொடர் நடத்த திட்டமிடப்பட்டுள்ளது.

கிரிக்கெட்டில் வசூலை அள்ளும் தொடராக உலகக் கோப்பை கிரிக்கெட் தொடர்கள் உள்ளன. அந்த வகையில் டெஸ்ட் போட்டிகளுக்கு மட்டும் உலகக் கோப்பை இல்லை. அந்த குறையை தீர்க்கும் வகையில், ஐசிசி சார்பாக தரவரிசையில் முதல் 7 இடங்களில் இருக்கும் டெஸ்ட் அணிகள் பங்கேற்கும் கிரிக்கெட் தொடர் நடத்த திட்டமிடப்பட்டுள்ளது.

பாகிஸ்தானுக்கு ஆப்பு :
ஐசிசி டெஸ்ட் கிரிக்கெட் தொடருக்கான அட்டவணை தயாரிக்கும் கூட்டம் சிங்கப்பூரில் அடுத்தாண்டு நடைப்பெற உள்ளது. இதில் மொத்தம் பங்கேற்கும் 7 அணிகள், ஒவ்வொன்றும் மற்ற அணிகளை தன் நாட்டில் 3 டெஸ்ட் போட்டிகளிலும், எதிர் நாட்டில் 3 டெஸ்ட் போட்டிகளிலும் விளையாடும்.

இதற்கான அட்டவணை தயாரிக்க திட்டமிடப்பட்டுள்ளது. அதோடு ஏற்கனவே திட்டமிடப்பட்டுள்ள போட்டித் தொடர்கள் பாதிக்காதவாறு பார்த்துக்கொள்ளப்படும்.

பாகிஸ்தானுக்கு எதிராக இந்தியா விளையாட முடியாது என இந்திய அரசு கூறிவிட்டதால், பாகிஸ்தானை இந்த தொடரில் பங்கேற்குமா என சந்தேகம் எழுந்துள்ளது.

பங்கேற்கும் அணிகள் :
இந்த தொடரில் இந்தியா, ஆஸ்திரேலியா, இங்கிலாந்து, நியூசிலாந்து, தென் ஆப்ரிக்கா, இலங்கை மற்றும் வங்க தேசம் ஆகிய அணிகள் பங்கேற்கும் என தெரிகிறது.

இந்த தொடர் 2019ல் தொடங்கும் என்றும் இரண்டு ஆண்டுகள் கழித்து முடியும் என தெரிவிக்கப்பட்டுள்ளது.