மிரட்டு.. மிரட்டுன்னு... மிரட்டிய ‘டான்’ ரோஹித்....: தப்புமா தென் ஆப்ரிக்கா.. இந்தியா அசத்தல் ஆரம்பம்...!

இந்தியா, தென் ஆப்ரிக்கா அணிகள் மோதும் முதல் டெஸ்ட் போட்டி விசாகப்பட்டினத்தில் நடக்கிறது. முதல் இன்னிங்சில் இந்திய அணி 7 விக்கெட்டுக்கு 502 ரன்கள் எடுத்து டிக்ளேர் செய்தது. தென் ஆப்ரிக்க அணி முதல் இன்னிங்சில் 431 ரன்கள் அடித்தது.

142 ஆண்டு டெஸ்ட் வரலாற்றில் இல்லாத சாதனை படைச்ச ‘டான்’ ரோஹித் ஷர்மா...!

ரோஹித் விளாசல்...
இதையடுத்து 71 ரன்கள் முன்னிலையுடன் களமிறங்கிய இந்திய அணிக்கு, ஒருநாள் கிரிக்கெட் ஸ்டைலில் மரண அதிரடி காட்டிய ரோஹித் ஷர்மா (127) சதம் அடித்து கைகொடுத்தார். புஜாரா (81) அரைசதம் அடித்து கைகொடுக்க இந்திய அணி, இரண்டாவது இன்னிங்சில் 4 விக்கெட்டுக்கு 323 ரன்கள் எடுத்து ‘டிக்ளேர்’ செய்தது.


சொதப்பல் துவக்கம்...
395 ரன்கள் என்ற இமாலய இலக்கை துரத்திய தென் ஆப்ரிக்க அணிக்கு, எல்கர், ஏய்டன் மார்க்ராம் துவக்கம் அளித்தனர். எல்கர் (2) ஜடேஜா சுழலில் சிக்கினார். இதையடுத்து நான்காவது நாள் ஆட்ட நேர முடிவில் தென் ஆப்ரிக்க அணி, இரண்டாவது இன்னிங்சில் 11 ரன்கள் எடுத்துள்ளது.


வெளிச்சமின்மை...
விசாகப்பட்டினத்தில் மேகம் சூழ்ந்து போதிய வெளிச்சமின்மை காரணமாக நான்காவது நாள் ஆட்டம் 4 ஓவர்கள் எஞ்சியிருந்த நிலையில் முன்னதாகவே முடிவுக்கு வந்தது. தென் ஆப்ரிக்க அணி இப்போட்டியில் வெற்றி பெற, சவாலான 384 ரன்கள் தேவைப்படுகிறது.

சித்துவின் 25 ஆண்டு சாதனையை சின்னா பின்னமாக சிதறடித்த ‘டான்’ ரோஹித்...!

கடும் சவால்..
நாளை கடைசி நாள் ஆட்டத்தில், ஆடுகளம் சுழற்பந்துவீச்சுக்கு அதிகளவில் சாதகமாக இருக்கும். இன்றைய நான்காவது நாள் ஆட்டத்திலேயே ஆடுகளம் சுழற்பந்துவீச்சுக்கு தாறுமாறாக எகிறியதை காண முடிந்தது.