உலக சாதனையை தொடர்ந்து இந்தியாவின் இன்னொரு இமாலய சாதனை!

போர்ட் ஆப் ஸ்பெயின்: வெஸ்ட் இண்டீஸ் அணிக்கு எதிரான இரண்டாவது ஒருநாள் போட்டியில் இந்திய அணி, உலக சாதனையுடன் இன்னொரு சாதனையும் செய்துள்ளது.

வெஸ்ட் இண்டீஸ் சென்றுள்ள இந்திய அணி 5 ஒருநாள், 1 டி-20 போட்டிகளில் பங்கேற்கிறது. முதல் போட்டி மழையால் ரத்தானது. இரண்டாவது ஒருநாள் போட்டியில் இந்திய அணி, வெற்றி பெற்றது.

இப்போட்டியில் இந்திய அணி 105 ரன்கள் வித்தியாசத்தில் மெகா வெற்றியை பதிவு செய்தது. இதன் மூலம் வெஸ்ட் இண்டீஸ் அணிக்கு எதிராக தனது 5வது சிறந்த வெற்றியை இந்திய அணி பதிவு செய்தது. தவிர, இந்தியாவை தவிர்த்து அந்நிய மண்ணில் வெஸ்ட் இண்டீஸ் அணியை அதிக ரன்கள் வித்தியாசத்தில் வீழ்த்தி சாதனை படைத்தது.

தவிர, வெஸ்ட் இண்டீஸ் மண்ணில் அதிக ரன்கள் வித்தியாசத்தில் வெற்றி பெற்று சாதித்தது இந்திய அணி. முன்னதாக கடந்த 2013ல் போர்ட் ஆப் ஸ்பெயினில் நடந்த ஒருநாள் போட்டியில் இந்திய அணி, 102 ரன்கள் வித்தியாசத்தில் வெற்றி பெற்றது.