Ind vs SL 2nd T20: இந்திய உத்தேச XI அணி இதுதான்…ஏமாற்றப்படும் இளம் வீரர்கள்?

இலங்கைக்கு எதிரான 3 போட்டிகள் கொண்ட ஒருநாள் தொடரை இந்திய அணி 2-1 என்ற கணக்கில் கைப்பற்றியது. அதனை தொடர்ந்து தற்போது மூன்று போட்டிகள் கொண்ட டி20 தொடர் நடைபெற்று வருகிறது. முதல் டி20 போட்டியில் இந்திய அணி 38 ரன்கள் வித்தியாசத்தில் வெற்றிபெற்ற நிலையில், இன்று இரண்டாவது டி20 போட்டி நடைபெறவுள்ளது.

டி20 உலக கோப்பை:

வரும் அக்டோபர் மாதம் டி20 உலகக் கோப்பை நடைபெறவுள்ளது. இன்று துவங்கவுள்ள இலங்கைக்கு எதிரான டி20 தொடரில், இளம் இந்திய வீரர்கள் சிறப்பாக சோபிக்கும் பட்சத்தில் அவர்கள் அவர்களுக்கு டி20 உலகக் கோப்பை அணியில் இடம் கிடைக்கும் எனக் கூறப்படுகிறது. இதனால், இந்த இலங்கைக்கு எதிரான டி20 தொடர் முக்கியத்துவம் வாய்ந்ததாக உள்ளது.

முதல் போட்டி:

முதல் போட்டியில் ஓபனர்களாக தேவ்தத் படிக்கல் அல்லது ருதுராஜ் கெய்க்வாட்டிற்கு இடம் கிடைக்கும் என எதிர்பார்க்கப்பட்டது. ஆனால் ஷிகர் தவன், பிரித்வி ஷா இருவரும்தான் ஓபனர்களாக களமிறங்கினர். பிரித்வி முதல் பந்திலேயே ஆட்டமிழந்து பெவிலியன் திரும்பினார். இந்நிலையில், இரண்டாவது போட்டியிலும் பிரித்விக்குதான் வாய்ப்பு கிடைக்கும் எனக் கூறப்படுகிறது. இதனால், ருதுராஜ் மற்றும் படிக்கல் இருவரும் இந்த போட்டியில் களமிறங்க வாய்ப்பு மிகமிக குறைவு.

பிளேயிங் XI:

இந்திய அணியில் மாற்றம் செய்யப்பட வாய்ப்பில்லை. முதல் டி20 போட்டியில் களமிறங்கிய அதே அணிதான், இரண்டாவது போட்டியிலும் களமிறங்கும் என கூறப்படுகிறது. இப்போட்டியில் வெற்றிபெற்று தொடரைக் கைப்பற்றும் பட்சத்தில், மூன்றாவது போட்டியில் வேண்டுமானால் சில புதுமுக வீரர்களுக்கு வாய்ப்பு கிடைக்கலாம்.

இந்திய உத்தேச XI அணி: ஷிகர் தவன் (கேப்டன்), பிரித்வி ஷா, சஞ்சு சாம்சன், சூர்யகுமார் யாதவ், இஷான் கிஷன், ஹார்திக் பாண்டியா, க்ருனால் பாண்டியா, தீபக் சஹார், புவனேஷ்வர் குமார், வருண் சக்ரவர்த்தி, யுஜ்வேந்திர சாஹல்.