ஆசிய கோப்பை டி20 கிரிக்கெட் இறுதி போட்டி: இந்தியா-வங்கதேசம் இன்று மோதல்

மிர்பூர்: இன்று நடக்கவுள்ள ஆசிய கோப்பை டி20 கிரிக்கெட் தொடரின் இறுதிப்போட்டியில், இந்தியா மற்றும் வங்கதேச அணிகள் மோத உள்ளன.

ஆசிய கோப்பை 20 ஓவர் கிரிக்கெட் போட்டி வங்கதேசத்தில் நடைபெற்று வருகிறது. இதில் இந்தியா, பாகிஸ்தான், இலங்கை, வங்காளதேசம், ஐக்கிய அரபு எமிரேட்ஸ் ஆகிய 5 நாடுகள் பங்கேற்றன.

இந்த தொடரில் இந்திய அணி தோல்வியை சந்திக்காமல் அனைத்து போட்டிகளையும் வென்று மிகவும் நம்பிகையுடன் இன்று இறுதிப்போட்டியை எதிர்கொள்கிறது.

அதே போல், உள்ளூரில் நடப்பதால் ரசிகர்களின் ஆதரவோடு தாங்கள் வெல்ல முழு முனைப்புடன் களமிறங்க வங்கதேச அணி திட்டமிட்டுள்ளது. இந்திய அணியில் கோலி, யுவராஜ் ஆகியோர் மிக சிறப்பான ஃ பார்மில் உள்ளனர்.

இன்றைய இறுதி போட்டி மிர்பூரில் மாலை 7 மணிக்கு நடைபெற உள்ளது.