கேடுகெட்ட கேப்டன் கோலி : ஆஸி., மீடியாக்கள் அடுத்த முத்திரை!

சிட்னி: இந்திய கேப்டன் கோலி, கிளாஸ் இல்லாத கேப்டன் எனவும், இன்னும் அவர் சின்னப்பிள்ளை மாதிரி கிரிக்கெட் விளையாடுவதாகவும் ஆஸ்திரேலிய ஊடகங்கள் மீண்டும் செய்தி வெளியிட்டுள்ளது.

இந்தியா வந்த ஆஸ்திரேலிய அணி, 4 டெஸ்ட் போட்டிகள் கொண்ட தொடரில் பங்கேற்றது. முதல் மூன்று டெஸ்டின் முடிவில் இரு அணிகளும் தலா 1 போட்டியில் வென்றுள்ளது. மூன்றாவது டெஸ்ட் ’டிரா’வில் முடிந்தது.

இரு அணிகள் மோதிய நான்காவது டெஸ்ட் போட்டி, ஃபைனல் போட்டியாக அனல் பறக்க தரம்சாலாவில் நடந்தது. இதில் இந்திய அணி 8 விக்கெட் வித்தியாசத்தில் அசத்தல் வெற்றி பெற்றது.

இத்தொடரில் இதுவரை இல்லாத அளவு இந்தியா, ஆஸ்திரேலிய வீரர்களுக்குள் மோதல் ஏற்பட்டது. குறிப்பாக ராஞ்சி டெஸ்டுக்கு பின் இந்திய ஊடகங்கள் எப்போதும் கிரிக்கெட்டுக்கு முக்கியதுவம் அளிப்பதாகவும், ஆஸ்திரேலிலிய ஊடகங்கள் எப்போதும் சர்ச்சைப்பற்றியே கேள்வி எழுப்புவதாகவும் கோலி கருத்து தெரிவித்தார்.

இதனால் காண்டான ஆஸ்திரேலிய ஊடகம், விளையாட்டு உலகின் டொனால்டு டிரம்ப் கோலி என செய்தி வெளியிட்டது. தற்போது தரம்சாலா டெஸ்ட் தோல்வியால் மேலும் காயமடைந்த ஆஸ்திரேலியாவை இந்திய கேப்டன் கோலி, மேலும் காயப்படுத்தும் விதமாக ஆஸ்திரேலிய வீரர்களுடனான நட்பு முன்பு போல இருக்காது என கூறினார்.

தவிர, ஆஸ்திரேலிய கேப்டன் ஸ்டீவ் ஸ்மித் அளித்த ‘பீர்’ பார்ட்டியையும் கோலி புறக்கணித்த காரணத்தினால், கோலி இன்னும் சிறுபிள்ளைத்தனமாக இருப்பதாகவும், பார்ட்டியை புறக்கணித்தது கிளாஸ் இல்லாத் செயல் என்றும், ஒரு தொடர் முடிந்ததும் அடுத்த கட்டத்துக்கு செல்ல கோலி முயற்சி செய்ய வேண்டும் எனவும் அந்த ஊடகம் செய்தி வெளியிட்டுள்ளது.


SYDNEY: Australian media labelled Indian skipper Virat Kohli "classless" and childish on Wednesday after his provocative comments at the end of a hard-fought but incendiary Test series.