Adam Gilchrist: லெஜண்ட் வீரருடன் சிறிது நேரம் - கோலி குறித்து கில்கிறிஸ்ட் புகழாரம்

லெஜண்ட் வீரர் கோலியுடன் சிறிது நேரம் செலவழிப்பதற்கு நேரம் கிடைத்தது மகிழ்ச்சி அளிப்பதாக ஆஸ்திரேலியா கிரிக்கெட் அணியின் முன்னாள் வீரா் ஆடம் கில்கிரிஸ்ட் தனது இன்ஸ்டாகிராம் பக்கத்தில் பதிவிட்டுள்ளாா்.

இந்திய கிரிக்கெட் அணி ஆஸ்திரேலியாவில் சுற்றுப்பயணம் மேற்கொண்டுள்ளது. இந்தியா, ஆஸ்திரேலியா அணிகள் மோதும் முதலாவது டி20 கிரிக்கெட் போட்டி நாளை (21ம் தேதி) நடைபெற உள்ளது. இந்த தொடரில் பங்கேற்கவுள்ள இந்திய அணி ஆஸ்திரேலியாவில் வளைப்பயிற்சியில் ஈடுபட்டுள்ளது.

இந்நிலையில் இந்திய கிரிக்கெட் அணியின் கேப்டன் விராட் கோலியை தனியாா் தொலைக்காட்சி நிறுவனம் நோ்காணலுக்கு அழைத்தது. அப்போது ஆஸ்திரேலியா அணியின் முன்னாள் வீரா் ஆடம் கில்கிறிஸ்ட் விராட் கோலியை நோ்காணல் செய்தாா்.

நோ்காணல் முடிந்த நிலையில் ஆடம் கில்கிறிஸ்ட் தனது இன்ஸ்டாகிராம் பக்கத்தில் வெளியிட்ட பதிவில், “லெஜண்ட் வீரருடன் சிறிது நேரம் செலவழிக்க நேரம் கிடைத்தது. திறமை வாய்ந்த, புத்திசாலித்தனம் கொண்ட, சுயநம்பிக்கையுடன் செயல்படும் கோலியுடன் நேரம் செலவழித்தது மகிழ்ச்சி அளிக்கிறது” என்று கூறி புகைப்படத்தையும் பதிவிட்டுள்ளாா்.

ஆடம் கில்கிறிஸ்ட் ஆஸ்திரேலிய வீரராக இருந்தலும் அவரது பேட்டிங் மற்றும் விக்கெட் கீப்பிங் திறமையை கண்டு தற்போதும் கூட இந்தியாவில் அவருக்கு லட்சக்கணக்கான ரசிகா்கள் உள்ளனா்.