இதுவரை தோனி பத்தி தானே தெரியும், இனி நான் எப்படின்னு காட்டுரேன்... கோலி

புனே : ஆலோசனை வழங்குவது தோனி இஷ்டம். ஆனால் அதற்கான முடிவை இனி நான் தான் எடுப்பேன் என விராட் கோலி தெரிவித்துள்ளார்.

கோலி பேசும்போது, “இந்திய அணியிலோ அல்லது என்னிடமோ எந்த ஒரு மாற்றமும் ஏற்பட்டதாக நான் உணரவில்லை. ஒரு சிறிய மாற்றம் மட்டும் உணர்கிறேன். நாளை டாஸ் மட்டும் தான் நான் போடப்போகிறேன் என்று.

தோனி கேப்டனாக இருந்த பொழுதும் கூட நான் என் ஆலோசனையையும், என் கருத்தையும் கூறுவதுண்டு. ஆனால் அதன் பின் தோனி தான் முடிவை எடுப்பார். அதே போல் தான் இப்போது நடக்க உள்ளது. தற்போது அவர் ஆலோசனை கூறுவார். நான் என் முடிவை எடுப்பேன்.

நிறுவனத்தில் பொறுப்பை ஒப்படைப்பது போல தான் இதுவும். ஒவ்வொரு கிரிக்கெட் வீரருக்கும் ஒவ்வொரு விதமான முடிவெடுக்கும் திறன் இருக்கும். அதை மேம்படுத்திக்கொள்வது மட்டும் தான் சரியானது.



தோனியின் கேப்டன்ஷிப் எப்படி ?
தோனி ஒரு போட்டியில் இக்கட்டான சூழலை சமநிலைக்கு கொண்டுவருவதில் வல்லவர். அதேபோல இந்தியா சமநிலையில் இருந்தால், எதிரணியை இக்கட்டுக்கு கொண்டு சென்று வெற்றியை பறிப்பவர். இந்த வித்தையை சரியாக செய்யக்கூடவராக தோனி இருந்துள்ளார்.

உண்மையை கூறவேண்டுமெனில், நான் எந்த ஒரு வித்தியாசத்தையும் உணரவில்லை. தோனி கேப்டனாக இருந்து சிறப்பாக விளையாடியதை விட, தற்போது மிகச்சிறப்பாக விளையாடுவார் என நம்புகிறேன்.” என கூறினார்.