IND vs NZ 2nd Test: ஓவர்போட வந்தாலே நடுங்கும் நியூசி பேட்ஸ்மேன்கள்: தரமான சம்பவம் செய்யும் இந்திய அணி!

இந்தியா, நியூசிலாந்து இடையில் இரண்டு போட்டிகள் கொண்ட டெஸ்ட் தொடர் நடைபெற்று வருகிறது. கான்பூரில் நடைபெற்ற முதல் போட்டி டிரா ஆன நிலையில், மும்பை வான்கடேவில் இரண்டாவது போட்டி துவங்கி நடைபெற்று வருகிறது. இதில் டாஸ் வென்ற இந்திய அணி முதலில் பேட்டிங் தேர்வுசெய்து முதல் இன்னிங்ஸ் களமிறங்கியது.

இந்திய அணியில் ஓபனர் மயங்க் அகர்வால் 150 (311) ரன்கள் சேர்த்து அசத்தினார். அக்சர் படேலும் தனது பங்கிற்கு 52 ரன்கள் எடுத்தார். இதனால், இந்திய அணி முதல் இன்னிங்ஸில் 325/10 ரன்கள் குவித்தது. நியூசிலாந்து சுழற்பந்து வீச்சாளர் அஜாஸ் படேல் 10 விக்கெட்களையும் கைப்பற்றி உலக சாதனை படைத்தார்.

நியூசிலாந்து இன்னிங்ஸ்:

இரண்டாவது நாள் இரண்டாவது செஷனின்போது களமிறங்கிய நியூசிலாந்து அணி, அடுத்தடுத்து விக்கெட்களை இழந்து திணறி வருகிறது. குறிப்பாக ஓபனர் டாம் லதாம் மட்டுமே 10 (14) இரட்டை இலக்க ரன்கள் அடித்தார். மறவர்கள் வந்த வேகத்தில் நடையைக் கட்ட துவங்கினர். இதற்கு முக்கிய காரணம், முகமது சிராஜ்தான். இவர் 3.1, 3.6 ஆகிய ஓவர்களில் வில் யங் 4 (9), டாம் லதாம் 10 (14) ஆகியோரை அடுத்தடுத்து வீழ்த்தி கெத்து காட்டினார்.

இதனைத் தொடர்ந்து விக்கெட்கள் சரிய துவங்கியது. 5.1ஆவது ஓவரில் ராஸ் டெய்லரை 1 (2) சிராஜ் வீழ்த்தி மறுபடியும் அசத்தினார். இதனால், அஜாஸ் படேல்போல் இவரும் 10 விக்கெட்களை வீழ்த்துவார் என எதிர்பார்க்கப்பட்டது. ஆனால் அடுத்து, டேரில் மிட்செல் விக்கெட்டை 8 (11) அக்சர் படேல் வீழ்த்தினார். தொடர்ந்து நிகோலஸ் விக்கெட்டை அஸ்வின் வீழ்த்த, ராசின் ரவீந்திரா விக்கெட்டை ஜெயந்த் யாதவ் 4 (15) எடுத்துக் கொடுத்தார்.

இதனால், நியூசிலாந்து அணி 36/6 என திணறி வருகிறது. தற்போது டாம் பிளென்டில் 3 (18) களத்தில் இருக்கிறார். அடுத்து ஜைல் ஜேமிசன் களமிறங்குவார் என எதிர்பார்க்கப்படுகிறது. அடுத்து இரண்டாவது நாளின் மூன்றாவது செஷன் நடைபெறும்.