இரு பிரிவு
நியூசிலாந்து தொடரில் பங்கேற்க இந்திய கிரிக்கெட் அணி வீரர்கள் இரு பிரிவுகளாக பிரிந்து ஒரு பிரிவினர் நேற்று பெங்களூருவில் இருந்து கிளம்பினர். இன்னொரு பிரிவு வீரர்கள் இன்று இரவு கிளம்புகின்றனர். இந்நிலையில் ஆஸ்திரேலிய அணிக்கு எதிரான ஒருநாள் தொடரின் போது தோள்பட்டையில் ஏற்பட்ட காயம் காரணமாக துவக்க வீரர் ஷிகர் தவன் இந்திய அணி வீரர்களுடன் செல்லவில்லை.
மாற்று ஏற்பாடு
தவனின் காயத்துக்கு எக்ஸ்ரே எடுத்ததில் அதில் காயம் பெரிய அளவில் ஏற்பட்டுள்ளதால், அவருக்கு பதிலாக மாற்று வீரரை தேர்வு செய்ய பிசிசிஐ முடிவு செய்துள்ளது தெரியவந்துள்ளது. அதேநேரம் ஏற்கனவே நியூசிலாந்தில் உள்ள இந்தி ஏ அணியில் இடம் பெற்றுள்ள வீரரில் ஒருவரை அவருக்கு மாற்று வீரராக அறிவிக்கவும் ஏற்பாடு செய்யப்பட்டுவருவதாகவும் தகவல்கள் தெரிவிக்கின்றன.
பேச்சுவார்த்தை
இங்கிலாந்தில் நடந்த உலகக்கோப்பை கிரிக்கெட் தொடருக்கான அணியிலும் தென் ஆப்ரிக்க அணிக்கு எதிரான தொடரில் இடம் பெற்ற மாயங்க் அகர்வால் மாற்று வீரராக தேர்வு செய்யப்பட வாய்ப்பு இருப்பதாகவும் கூறப்படுகிறது. இது தொடர்பாக இந்திய பயிற்சியாளர் ரவி சாஸ்திரியுடன் பிசிசிஐ செயலாளர் ஜெய் ஷா பேச்சுவார்த்தை நடத்தியதாகவும் தெரிகிறது.
நியூசி தொடர் அட்டவணை
டி-20 போட்டிகள்
ஜனவரி 24 - முதல் டி-20, ஆக்லாந்து
ஜனவரி 26 - இரண்டாவது டி-20, ஆக்லாந்து
ஜனவரி 29 - மூன்றாவது டி-20, ஹாமில்டன்
ஜனவரி 31 - நான்காவது டி-20, வெலிங்டன்
பிப்ரவரி 2 - ஐந்தாவது டி-20, மவுண்ட் மாவுங்கானி
ஒருநாள் போட்டிகள்
பிப்ரவரி 5 - முதல் ஒருநாள், ஹாமில்டன்
பிப்ரவரி 8 - இரண்டாவது ஒருநாள், ஆக்லாந்துது
பிப்ரவரி 11 - மூன்றாவது ஒருநாள், மவுண்ட் மாவுங்கானி
டெஸ்ட் போட்டிகள்
பிப்ரவரி 21 -25 - முதல் டெஸ்ட், வெலிங்டன்
பிப்ரவரி 29 -மார்ச் 4 - இரண்டாவது டெஸ்ட், கிறிஸ்ட்சர்ச்