அறிமுக போட்டியில் சாதிப்பாரா வாஷிங்டன் சுந்தர் : இலங்கை பவுலிங்

மொஹாலி : இந்தியாவுக்கு எதிரான 2வது ஒருநாள் போட்டியில் இலங்கை அணி டாஸ் வென்று பவுலிங் செய்ய தீர்மானித்துள்ளது.

இந்தியா வந்துள்ள இலங்கை அணி 3 டெஸ்ட், 3 ஒருநாள், 3 டி20 போட்டிகளில் விளையாட வந்துள்ளது. டெஸ்ட் போட்டியை இந்தியா 1-0 என வென்றது. தொடர்ந்து நடந்த முதல் ஒருநாள் போட்டியில் இந்தியா படுதோல்வி அடைந்தது.

திருப்பி அடிக்குமா இந்தியா :
இலங்கையில் நடந்த 3 டெஸ்ட், 5ஒருநாள், ஒரு டி20 போட்டி என மொத்தமாக 9 போட்டியையும் இந்தியா வென்று சாதனை படைத்திருந்தது. ஆனால் தற்போது இந்தியா வந்துள்ள இலங்கை அணி மிக சிறப்பாக விளையாடி வருகின்றது.

முதல் ஒருநாள் போட்டியில் இந்திய அணி வெறும் 112 ரன்கள் மட்டும் எடுத்தது. இதில் இலங்கை 7 விக்கெட் வித்தியாசத்தில் வென்று அசத்தியது.
இன்று நடக்கும் 2வது ஒருநாள் போட்டியில் இந்தியா சிறப்பாக விளையாடி , முதல் போட்டியில் அடைந்த தோல்விக்கு தக்க பதிலடி கொடுக்கும் என நம்பலாம்.


We have a new kid on the block. Washington Sundar is all set to make his ODI debut here in Mohali #TeamIndia #INDvSL pic.twitter.com/VxquVkgSIa — BCCI (@BCCI) December 13, 2017
அறிமுகமாகும் வாஷிங்டன் சுந்தர் :
ஐபிஎல் போட்டியில் ஜொலித்த தமிழக வீரர் ஆல்ரவுண்டர் வாஷிங்டன் சுந்தர் இந்த போட்டியில் அறிமுக வீரராக களமிறங்குகிறார்.