Ind vs SL: ‘நாளை முதல் போட்டி’ எத்தனை மணிக்கு துவங்கும்? எந்த சேனலில் பார்க்க முடியும்? விவரம் இதோ!

இலங்கை சுற்றுப் பயணம் மேற்கொண்டுள்ள, ஐபிஎலில் சிறப்பாக சோபித்த இளம் வீரர்களை உள்ளடக்கிய இந்திய அணி, தலா மூன்று போட்டிகள் கொண்ட ஒருநாள், டி20 தொடரில் பங்கேற்று விளையாடவுள்ளது. இதற்கான இந்திய அணிக்கு கேப்டனாக ஷிகர் தவனும், பயிற்சியாளராக ராகுல் திராவிட் ஆகியோர் நியமிக்கப்பட்டுள்ளனர்.

தேதிகள் மாற்றம்:

இரு அணிகளுக்கும் இடையிலான முதல் ஒருநாள் போட்டி ஜூலை 13ஆம் தேதி துவங்கும் என அறிவிக்கப்பட்டிருந்தது. இந்நிலையில் இலங்கை அணியில் கொரோனா புகுந்ததால், அந்த அணி வீரர்கள் அனைவரும் ஒரு வாரம் தனிமை முகாமிற்குச் சென்றனர். இதனால், ஒருநாள் மற்றும் டி20 தொடருக்கான தேதிகள் மாற்றியமைக்கப்பட்டது.

அதன்படி, ஒருநாள் போட்டிகள் 18, 20, 23ஆம் தேதிகளிலும், டி20 தொடர் 25, 27, 29ஆம் தேதிகளில் நடைபெறவுள்ளது. நாளை 18ஆம் தேதி (ஞாயிறு) முதல் ஒருநாள் போட்டி நடைபெறும்.

போட்டி எப்போது துவங்கும்?

போட்டிகள் மாலை 3:00 மணிக்குத் துவங்கும்.

போட்டி எங்கே நடைபெறும்?

போட்டிகள் கொழும்பில் உள்ள ப்ரேமதாசா மைதானத்தில் நடைபெறும்.

மைதானத்தின் தன்மை?

மைதானம் சுழலுக்கு சாதகமாக இருக்கும் எனக் கணிக்கப்பட்டுள்ளது.

எந்த சேனலில் ஒளிபரப்பு செய்யப்படும்?

இந்தியா, இலங்கை தொடர் சோனி ஸ்போர்ட்ஸ் நெட்வொர்க்கில் ஒளிபரப்பட்டும். தமிழில் காண SONY TEN 4 சேனலை தேர்வு செய்ய வேண்டும். SONY LIV ஆஃபிலும் போட்டியை நேரலையில் காணலாம்.

இந்திய உத்தேச XI அணி: ஷிகர் தவன் (கேப்டன், பிரித்வி ஷா, சஞ்சு சாம்சன், சூர்யகுமார் யாதவ், ஹார்திக் பாண்டியா, க்ருனால் பாண்டியா, யுஜ்வேந்திர சாஹல், புவனேஷ்வர் குமார், நவ்தீப் சைனி.

இலங்கை உத்தேச XI அணி: பதும் நிஷங்கா, சரித் அசலங்கா, தஷன் ஷனகா (கேப்டன்), வணிந்து ஹசரங்கா, ரமேஷ் மெண்டிஸ், தனஞ்சய டி சில்வா, ஷமிகா கருணரத்னே, துஷ்மந்தா சமீரா, ப்ரவீன் ஜெயவிக்ரமா.