500வது போட்டியில் இந்திய அணி அட்டகாசமான வெற்றி

கான்பூர்: நியூசிலாந்துக்கு எதிரான முதல் டெஸ்ட் போட்டியில் இந்திய அணி 197 ரன்கள் வித்தியாசத்தில் அபாரமாக வெற்றி பெற்றுள்ளது.

3 டெஸ்ட் போட்டிகளில் பங்கேற்க நியூசிலாந்து அணி இந்தியா வந்துள்ளது. இதன் முதல் டெஸ்ட் போட்டி உத்தரப் பிரதேசத்தில் உள்ள கான்பூர் கிரீன் பார்க்கில் நடந்தது. இதில் டாஸ் வென்ற இந்திய அணி பேட்டிங்கை தேர்வு செய்தது.

இந்திய அணி முதல் இன்னிங்கிஸில் அனைத்து விக்கெட்டுகளையும் இழந்து 318 ரன்களை எடுத்தது. நியூசிலாந்து அணி சார்பாக போல்ட், சாண்ட்னர் தலா 3 விக்கெட்டுகளை வீழ்த்தினர்.
அதையடுத்து பேட்டிங்க் செய்த நியூசிலாந்து அணி முதல் இன்னிங்சில் 262 ரன்களுக்கு அனைத்து விக்கெட்டுகளையும் இழந்தது. இந்திய அணியின் ஜடேஜா 5 விக்கெட்டுகளும், அஸ்வின் 4விக்கெட்டுகளும் அள்ளினர்.

இந்திய அணி இரண்டாவது இன்னிங்சில், 5 விக்கெட்டுக்கு 377 ரன்கள் எடுத்திருந்த பொழுது டிக்லெர் செய்வதாக அறிவித்தது. இதையடுத்து நியூசிலாந்து அணி 434 ரன்கள் என்ற இலக்குடன் இரண்டாம் இன்னிங்சை தொடங்கியது. நான்காம் நாள் ஆட்ட நேர முடிவில் 93 ரன்களுக்கு 4 விக்கெட்டுகள் இழந்து இருந்தது.

முதல் டெஸ்டின் ஐந்தாம் நாள் மற்றும் கடைசி நாளான இன்று பேட்டிங்கை செய்தது நியூசிலாந்து அணி 236 ரன்களுக்கு அனைத்து விக்கெட்டுகளை பறிகொடுதது. இதனால் இந்திய அணி 197 ரன்கள் வித்தியாசத்தில் அபாரமாக வெற்றி பெற்று 500வது டெஸ்ட் கிரிக்கெட்டில் வெற்றியை பதிவு செய்துள்ளது.

ஆட்ட நாயகன் விருதை 92 ரன்களும் (42+50), 6 விக்கெட்டுகள் (5+1) வீழ்த்திய ரவீந்திர ஜடேஜா பெற்றார்.