‘கிங்’ன்னா சும்மாவா..... 31 ஆவது பிறந்தநாளை கொண்டாடும் கோலி...: எந்த இந்தியரும் இவர் பக்கத்துல இனி நெருங்கக்கூட முடியாது போல!

கடந்த 2008ல் இலங்கை அணிக்கு எதிரான ஒருநாள் போட்டியில் இந்திய அணிக்காக விராட் கோலி அறிமுகமானார். இவர் இதுவரை இந்திய அணிக்காக 82 டெஸ்ட், 239 ஒருநாள், 72 டி-20 போட்டிகளில் விளையாடியுள்ளார்.

சச்சினுக்கு பின்
ஒருநாள் அரங்கில் ஜாம்பவான் சச்சினுக்கு பின், அதிக ரன்கள் அடித்துள்ள இந்திய வீரர்கள் பட்டியலில் கோலி (11520 ரன்கள், 239 போட்டிகள்) இரண்டாவது இடத்தில் உள்ளார். அதே போல ஒருநாள் அரங்கில் சச்சினுக்கு (49 சதங்கள்) பின் அதிக சதம் விளாசிய வீரர்கள் பட்டியலில் சர்வதேச அளவில் கோலி (43 சதங்கள்) இரண்டாவது இடத்தில் உள்ளார்.

31 ஆவது பிறந்தநாள்...
இதையடுத்து ஒருநாள் அரங்கில் சச்சின் சாதனையை விராட் கோலி தூள் தூளாக்குவார் என எதிர்பார்க்கப்படுகிறது. தவிர, கடந்த ஆண்டு அக்டோபர் மாதம் ஒருநாள் அரங்கில் கோலி அதிவேகமாக 10,000 ரன்கள் என்ற மைல்கல்லை எட்டி அசத்தினார். இந்நிலையில் கோலி இன்று தனது 31வது பிறந்தநாளை கொண்டாடுகிறார். இதற்காக இவருக்கு ட்விட்டரில் வாழ்த்துக்கள் குவிந்து வருகிறது.

இது வரலாறு..
இந்திய கேப்டன் விராட் கோலி கடந்த 1988ல் டெல்லியில் பிறந்தார். இதுவரை சர்வதேச அரங்கில் மொத்தமாக 69 சதம் மற்றும் 98 அரைசதம் அடித்துள்ளார். கடந்த 2017, 2018ல் ஐசிசி சிறந்த கிரிக்கெட் வீரராக தேர்வு செய்யப்பட்ட கோலி, 2018ல் சிறந்த டெஸ்ட் வீரராகவும் ஐசிசியால் தேர்வு செய்யப்பட்டார்.

இதே போல கடந்த 2012, 2017, 2018 ல் சிறந்த ஒருநாள் கிரிக்கெட் வீரராகவும் ஐசிசியால் தேர்வு செய்யப்பட்டார். 2013ல் அர்ஜுனா விருதும், 2017ல் பத்மஸ்ரீ விருதும், 2018ல் ராஜீவ் காந்தி கேல் ரத்னா விருதும் கோலி வென்றுள்ளார்.


‘கிங்’ ‘கிங்’ தான்...
தவிர, ஐசிசி தரவரிசைப்பட்டியலில் அதிக புள்ளிகள் எடுத்த முதல் இந்தியர் என்ற புதுவரலாறையும் கோலி அரங்கேற்றியுள்ளார். டெஸ்ட் ரேடிங் (937 புள்ளிகள்), ஒருநாள் ரேடிங் (911 புள்ளிகள்), டி-20 ரேடிங் (897 புள்ளிகள்).




* அதே போல கடந்த ஆகஸ்ட் மாதம் சர்வ்தேச அளவில் 10 ஆண்டில் 20,000 ரன்கள் அடித்த முதல் வீரர் என்ற உலக சாதனையை கோலி அரங்கேற்றினார்.




* போர்ப்ஸ் பட்டியலில் உலகளவில் அதிக வருமான ஈட்டும் விளையாட்டு வீரர்கள் பட்டியலில் இடம் பெற்ற ஒரே ஒரு இந்தியர் கோலி மட்டும் தான். இப்பட்டியலில் 100வது இடத்தில் உள்ள கோலி, ஆண்டு வருமானமாக 25 மில்லியன் டாலர்கள் சம்பாதிப்பதாக கணக்கிடப்பட்டுள்ளது.