2 வருஷம்
கடந்த 2 ஆண்டுகளாக ஒருநாள் கிரிக்கெட்டில் அதிகரன்கள் சேர்த்த வீரர்கள் பட்டியலில் கோலி முதலிடம் பிடித்தார். கடந்த 2017இல் 1460 ரன்கள் எடுத்திருந்த கோலி. 2018இல் 1202 ரன்கள் குவித்தார். இந்தாண்டும் முதலிடம் பிடிக்க கோலிக்கு முதலிடம் பிடிக்க வாய்ப்பு உள்ளது.
எல்லாமே ‘50’
மேலும் மூன்று விதமான (டெஸ்ட், ஒருநாள், டி-20) கிரிக்கெட்டிலும் சராசரி 50க்கும் மேல் வைத்துள்ள ஒரே கிரிக்கெட் வீரர் விராட் கோலி ஒருவர் தான். தவிர, சுமார் இரண்டு ஆண்டுகளாக கோலி இந்த சாதனையை தக்கவைத்துள்ளார். கடந்த 2016இல் சராசரி 50க்கும் மேல் எட்டிய கோலியின் தற்போதைய சராசரி 54.97 (டெஸ்ட்), 60.02 (ஒருநாள்), 52.66 (டி-20) ஆக உள்ளது.
இவர்களும் தான்
கோலியைப் போலவே கடந்த காலத்தில் எல்லா விதமான கிரிக்கெட்டிலும் சராசரி 50க்கு மேல் வைத்திருந்த வீரர்கள் பட்டியலில் ஆஸ்திரேலியாவின் மாத்யூ ஹேடன் (2007), ஆண்டிரு சைமண்ட்ஸ் (2007), இலங்கையின் குமார் சங்ககரா (2013), ஆஸ்திரேலியாவின் ஸ்டீவ் ஸ்மித் (2015), கே.எல். ராகுல் (2016), தென் ஆப்ரிக்காவின் டிவிலியர்ஸ் (2017) ஆகியோர் உள்ளனர்.
Twitter-Virat Kohli's record in Vizag ⬇️ ODIs ➞ 5 Runs ➞...
ராசியான விசாகப்பட்டினம்
விசாகப்பட்டினம் மைதானம் இந்திய கேப்டன் விராட் கோலிக்கு மிகவும் ராசியான மைதானமாக உள்ளது. இம்மைதானத்தில் கோலி பங்கேற்ற 5 போட்டிகளில் 3 சதம், 99 ரன்கள், 65 ரன்கள் என மொத்தமாக 556 ரன்கள் அடித்துள்ளார். இங்கு கோலியின் சராசரி 139ஆக உள்ளது.
கோலி நம்பர்-1
மேலும் இந்தாண்டில் சர்வதேச அளவில் மூன்று விதமான கிரிக்கெட்டிலும் சேர்த்து அதிக ரன்கள் சேர்த்த வீரர்கள் பட்டியலில் கோலி முதலிடத்தில் உள்ளார். கோலி இதுவரை 2366 ரன்கள் அடித்துள்ளார். இந்த ஆண்டில் இன்னும் இரண்டு ஒருநாள் போட்டிகள் எஞ்சியுள்ளதால், கோலியின் ரன் குவிப்பு அதிகரிக்கும் என எதிர்பார்க்கப்படுகிறது.