Virat Kohli : விராட் கோலி ஒரு ஆண்டில் 2000+ ரன்களை குவிப்பதில் புதிய சாதனை

வெஸ்ட் இண்டீஸ் அணிக்கு எதிரான முதல் ஒருநாள் போட்டியின் போது விராட் கோலி, இந்தாண்டில் 2000 ரன்களை கடந்து, 5வது முறையாக சாதனைப் படைத்துள்ளார்.

இந்தியா சுற்றுப் பயணம் வந்துள்ள வெஸ்ட் இண்டீஸ் அணி 2 டெஸ்ட், 5 ஒருநாள், 3 டி20 போட்டிகளில் விளையாட உள்ளது. இரண்டு டெஸ்ட் தொடரையும் இந்தியா அபார வெற்றியை பதிவு செய்தது.
தொடர்ந்து நேற்று முதல் ஒருநாள் போட்டி நடந்தது. இதிலும் இந்தியா மிக சிறப்பான வெற்றி பெற்றது.

கோலி, ரோகித் சதம்:
முதலில் பேட்டிங் செய்த வெ.இ அணி 50 ஓவரில் 8 விக்கெட் இழப்பிற்கு 322 ரன்கள் குவித்தது.
தொடர்ந்து விளையாடிய இந்திய அணிக்கு கோலி 140 ரன்களும், ரோகித் கடைசி வரை விக்கெட் இழக்காமல் 152* ரன்களை குவித்தார்.இதனால் இந்தியா 8 விக்கெட் வித்தியாசத்தில் அபார வெற்றி பெற்றது.

மேலும் படிக்க : இன்னும் சில ஆண்டுகள் தான் கிரிக்கெட் ஆடுவேன்... அதுக்குள்ள எதாச்சும் பண்ணனும் - விராட் கோலி

அதிகமுறை150+ அடித்த ஹிட் மேன் ரோகித் சர்மா - சச்சினின் சாதனையை தகர்த்து புதிய மைல்கல்

கோலியின் சிறப்பான சதனை:
ஒரு ஆண்டில் 2000 ரன்களை அடிப்பது ஒரு கிரிக்கெட் வீரர் சிறந்த வீரர் என்பதை வெளிப்படுத்தும்.
அந்த விதமாக இந்திய கிர்க்கெட் வீரர் விராட் கோலி 2012, 2014, 2016 மற்றும் 2017 ஆகிய ஆண்டில் 2000 ரன்களை கடந்திருந்தார். இந்நிலையில் (2018) இந்தாண்டும் 2000 ரன்களை கடந்து கோலி சாதித்துள்ளார்.

தோனி, கம்பீர் 2019 நாடாளுமன்ற தேர்தலில் களமிறக்க திட்டம்! - எந்த கட்சி தெரியுமா?

மூன்றாண்டுகள் தொடர்ச்சியாக 2000 ரன்களை கடந்த வீரர்:
சச்சின் டெண்டுல்கர் (1996-98)
மேத்யூ ஹேடன் (2002-04)
ஜோ ரூட் (2015-17)
விராத் கோலி (2016-18)

அதிக முறை 2000+ ரன்களை கடந்த வீரர் பட்டியல்:
6 முறை - சங்ககரா
5 முறை - டெண்டுல்கர் / ஜெயவர்தனே / விராட் கோலி *
4 முறை - மேத்யூ ஹேடன் / ரிக்கி பாண்டிங் / கங்குலி / ஜேக் காலிஸ்