கைகொடுத்த மணீஷ்
இந்திய கிரிக்கெட் அணியின் மிடில் ஆர்டர் பேட்ஸ்மேன் மணீஷ் பாண்டே. இவர் தமிழ் நாடு அணிக்கு எதிராக நடந்த சையது முஸ்தாக் அலி டிராபி கிரிக்கெட் தொடரின் ஃபைனலில், கர்னாடகா அணி கோப்பை வெல்ல முக்கிய காரணமாக அமைந்தார்.
அதிரடி பாண்டே
சூரத்தில் நடந்த சையது முஸ்தாக் அலி டிராபி கிரிக்கெட் தொடரின் ஃபைனலில் தமிழ்நாடு அணிக்கு எதிராக 45 பந்தில் மணீஷ் பாண்டே 60 ரன்கள் விளாச, கர்னாடகா அணி 180 ரன்கள் அடித்தது. இதன் பின் தமிழக அணி போராடிய போதும் 1 ரன்னில் கோப்பை வெல்லும் வாய்ப்பை தவறவிட்டது.
ஹைதராபாத் வாழ்த்து
இந்நிலையில் மும்பையில் மணீஷ் பாண்டே தமிழ் நடிகை அஸ்ரிதா செட்டியை திருமணம் செய்துகொண்டார். இவர்களின் திருமணத்துக்காக சன்ரைசர்ஸ் ஹைதராபாத் அணி ட்விட்டரில் வாழ்த்து தெரிவித்துள்ளது. இதுதொடர்பாக அந்த அணி நிர்வாகம் வெளியிட்டுள்ள ட்விட்டர் பதிவில், “அஸ்ரிதா, மணீஷ் தம்பதிக்கு அதிர்ஷ்டம், மகிழ்ச்சியுடன் கூடிய வாழ்த்துக்கள்.” என அதில் குறிப்பிடப்பட்டுள்ளது.
Twitter-Wishing good luck, happiness and lots of love to @...
மிகப்பெரிய தொகை...
மணீஷ் பாண்டே இந்திய அணிக்காக இதுவரை 23 ஒருநாள் போட்டிகள், 32 டி-20 போட்டிகளில் பங்கேற்றுள்ள போதும் தனது இடத்தை தக்கவைத்துக்கொள்ள முடியாமல் தவித்து வருகிறார். ஆனால் உள்ளூர் தொடரில் சிறப்பான ஆட்டத்தை வெளிப்படுத்திய போதும், இந்திய கிரிக்கெட் அணியில் இவருக்கு நிரந்தர வாய்ப்பு இதுவரை கிடைக்கவில்லை. கம்பீர் தலைமையிலான ஐபிஎல் கோப்பை வென்ற கொல்கத்தா நைட் ரைடர்ஸ் அணியில் இடம் பெற்ற பாண்டேவை, கடந்த 2018ல் சன்ரைசர்ஸ் ஹைதராபாத் அணி மிகப்பெரிய தொகைக்கு ஏலத்தில் எடுத்தது.
என்ன படங்கள்?
அஸ்ரிதா செட்டி தமிழ் படங்களான உதயம் NH4, ஒரு கன்னியும் மூணு களவானிகளும், இந்திரஜித், நான் தான் சிவா உள்ளிட்ட தமிழ் படங்களில் நடித்துள்ளார்.